கருணாநிதியை குடும்பத்துடன் சென்று பார்த்த ராகவா லாரன்ஸ்
- IndiaGlitz, [Saturday,August 04 2018]
திமுக தலைவர் கருணாநிதி சென்னை காவேரி மருத்துவமனையில் கடந்த ஒரு வாரத்திற்கும் மேலாக சிகிச்சை பெற்று வருகிறார். அவரது உடல்நலம் தற்போது நாற்காலியில் உட்காரும் அளவிற்கு முன்னேற்றம் ஏற்பட்டுள்ளது.
இந்த நிலையில் தேசிய, தமிழக அரசியல் தலைவர்களும் திரையுலக பிரமுகர்களும் கருணாநிதியின் உடல்நலம் குறித்து விசாரிக்க தினமும் காவேரி மருத்துவமனைக்கு வந்தவண்ணம் உள்ளனர். இந்த நிலையில் நேற்று நடிகரும் நடன இயக்குனருமான ராகவா லாரன்ஸ் தனது குடும்பத்தினர்களுடன் கருணாநிதியின் உடல்நலம் குறித்து விசாரிக்க காவேரி மருத்துவமனைக்கு வந்தார்.
ராகவா லாரன்ஸ் திமுக செயல் தலைவர் மு.க.ஸ்டாலினை சந்தித்து கருணாநிதியின் உடல்நலம் குறித்து விசாரித்தார். இந்த சந்திப்பின்போது திமுக ராஜய்சபா எம்பி கனிமொழி அவர்களும் உடனிருந்தார் என்பது குறிப்பிடத்தக்கது.