வெட்டுக்கிளி பாலாவுக்கு ராகவா லாரன்ஸ் கொடுத்த ரூ.10 லட்சம்.. ஏன் தெரியுமா?
- IndiaGlitz, [Saturday,April 08 2023]
விஜய் டிவியில் பிரபலமான வெட்டுக்கிளி பாலாவிற்கு ராகவா லாரன்ஸ் ரூபாய் 10 லட்சம் கொடுத்தது பரபரப்பை ஏற்படுத்தி உள்ளது.
விஜய் டிவியில் உள்ள ’கலக்கப்போவது யாரு’ என்ற நிகழ்ச்சியின் மூலம் அறிமுகமாகி அதன் பின்னர் பல நிகழ்ச்சிகளில் கலந்து கொண்டு வருபவர் பாலா. குறிப்பாக ’குக் வித் கோமாளி’ நிகழ்ச்சியில் அவருடைய காமெடி ரசிகர்களை கவர்ந்தது என்பதும் அந்த நிகழ்ச்சிக்கு பிறகு அவர் மிகப்பெரிய அளவில் பிரபலமாகி, தற்போது திரைப்படங்களில் நடித்து வருகிறார்.
இந்த நிலையில் ராகவா லாரன்ஸ் நடித்த ‘ருத்ரன்’ திரைப்படத்தின் இசை வெளியீட்டு விழா சமீபத்தில் நடந்த நிலையில் இந்த இசை விழா மேடையில் பாலாவை அழைத்து கௌரவப்படுத்திய ராகவா லாரன்ஸ் ரூபாய் 10 லட்சம் தனது அம்மாவின் கையால் கொடுத்தார்.
ஒரு ஏழை குடும்பத்தில் இருந்து வந்தாலும் பாலா, தனக்கு கிடைக்க வருமானத்தில் ஒரு சிறு பகுதியை குழந்தைகள் மற்றும் முதியவர்கள் நலனுக்காக செலவு செய்து வருகிறார். குக் வித் கோமாளி நிகழ்ச்சியில் கிடைத்த பரிசுகளை கூட அவர் குழந்தைகள் காப்பகத்திற்கு தான் கொடுத்ததாக கூறியிருந்தார்.
அந்த வகையில் இந்த சின்ன வயதிலேயே ஏழ்மை நிலையில் இருந்து வந்த பாலா தன்னைப்போல் பிறர் கஷ்டப்பட கூடாது என்பதற்காக உதவி செய்து வருவதை பார்த்து பாராட்டி தான் ராகவா லாரன்ஸ் ரூபாய் 10 லட்சத்தை கொடுத்துள்ளார். அவரது இந்த செயல் பெரும் நெகிழ்ச்சியை ஏற்படுத்தியுள்ளது.