கீர்த்தி சுரேஷூக்கு கேக் ஊட்டிவிட்ட ராதிகா சரத்குமார்.. என்ன விசேஷம்..!
- IndiaGlitz, [Sunday,August 13 2023]
நடிகை ராதிகா திரையுலகில் நடிக்க வந்து 45 ஆண்டுகள் ஆனதை அடுத்து இதற்கான விழா சமீபத்தில் கொண்டாடப்பட்ட நிலையில் அந்த விழாவில் ஒரு முக்கிய அறிவிப்பு வெளியானதை அடுத்து நடிகர் ராதிகா, கீர்த்தி சுரேஷ்க்கு கேக் ஊட்டி விட்ட வீடியோ இணையதளங்களில் வைரல் ஆகிறது.
கடந்த 1978 ஆம் ஆண்டு பாரதிராஜா இயக்கத்தில் உருவான ’கிழக்கே போகும் ரயில்’ என்ற திரைப்படத்தில் ராதிகா நடிகையாக அறிமுகமானார். இந்த படம் வெளியாகி 45 ஆண்டுகள் நிறைவு பெற்றதை எடுத்து இதற்கான விழா சமீபத்தில் கொண்டாடப்பட்டது.
இந்த விழாவில் கீர்த்தி சுரேஷ் முக்கிய வேடத்தில் நடிக்கும் ’ரிவால்வர் ரீட்டா’ என்ற திரைப்படத்தில் நடிகர் ராதிகா நடிக்க இருப்பதாக அறிவிக்கப்பட்டுள்ளது. இதனை அடுத்து இந்த விழாவில் கேக் வெட்டப்பட்டது என்பதும் அந்த கேக்கை எடுத்து ராதிகா நான் கீர்த்தி சுரேஷ்க்கு ஊட்டி விட்டார் என்பதும் குறிப்பிடத்தக்கது. இது குறித்த வீடியோ இணையதளங்களில் வைரல் ஆகி வருகிறது.
ஃபேஷன் ஸ்டுடியோ மற்றும் தி ரூட் நிறுவனங்கள் இணைந்து தயாரிக்கும் ’ரிவால்வர் ரீட்டா' திரைப்படத்தை சந்துரு என்பவர் இயக்க உள்ளார். தினேஷ் கிருஷ்ணன் ஒளிப்பதிவில் பிரவீன் கேஎல் பட தொகுப்பில் இந்த படம் உருவாகி வருகிறது. கடந்த ஜனவரி மாதம் இந்த படத்தின் பர்ஸ்ட் லுக் போஸ்டர் வெளியானது என்பது இந்த போஸ்டரை நடிகை சமந்தா தனது சமூக வலைதளத்தில் வெளியிட்டார் என்பது குறிப்பிடத்தக்கது.