న‌డిగ‌ర్ సంఘం ఎన్నిక‌ల్లో శ‌ర‌త్‌కుమార్ అండ్ టీంపై నాజ‌ర్ అండ్ విశాల్, కార్తీ టీం విజ‌యం సాధించిన‌ప్ప‌టి నుండి ఇద్ద‌రి మ‌ధ్య అడ‌పా ద‌డ‌పా మాట‌ల యుద్ధం జ‌రుగుతూనే ఉంది. నిన్న న‌డిగ‌ర్ సంఘంలో 1.65 కోట్ల మోసానికి పాల్ప‌డిన‌ట్టు గుర్తించిన ప్ర‌స్తుత సంఘం అధ్యక్షుడు శ‌ర‌త్‌కుమార్‌, కార్య‌ద‌ర్శి రాధార‌వి, కోశాధికారి చంద్ర‌శేఖ‌ర్‌ల‌ను తొలిగించి వారిపై పోలీసు పెట్ట‌డానికి తీర్మానం చేసిన సంగ‌తి తెలిసిందే.

అయితే ఈ విష‌యంపై రాధికా శర‌త్‌కుమార్ ట్విట్ట‌ర్ వేదిక‌గా ఫైర్ అయ్యారు. ముందు వంద‌కోట్ల మోసం జ‌రిగింద‌న్నారు. ఇప్పుడేమో 1.65 కోట్లంటున్నారు. ఏమైనా డిస్కౌంట్ ఇచ్చారా? అంటూ విశాల్ అండ్ గ్యాంగ్‌పై ఫైర్ అయ్యింది. ఆరోప‌ణ‌లు వ‌చ్చిన‌ప్పుడు వివ‌ర‌ణ కోరకుండా వారి ప్రాథ‌మిక స‌భ్య‌త్వాల‌ను ఎలా తొలగించారు? మ‌న‌సులో ఇంత ద్వేషం పెట్టుకున్నారా? అంటూ ఫైర్ అయ్యింది. ఇంత‌కి దీనిపై విశాల్‌, కార్తీ అండ్ టీం ఎలా రియాక్ట్ అవుతుందో చూడాలి.