அனுமதியின்றி யூடியூபில் வெளியான திரைப்படம்: முன்னாள் முதல்வரின் மனைவி புகார்!
- IndiaGlitz, [Wednesday,September 02 2020]
பிரபல இயக்குனர் ஜனநாதன் இயக்கிய ’இயற்கை’ உள்ளிட்ட ஒரு சில தமிழ் படங்களிலும் ஏராளமான கன்னட படங்களிலும் நடித்தவர் நடிகை ராதிகா. குட்டி ராதிகா என்று அழைக்கப்பட்ட இவர் முன்னாள் கர்நாடக முதல்வர் குமாரசாமி அவர்களை திருமணம் செய்து கொண்டுள்ளார் என்பது குறிப்பிடத்தக்கது.
இந்த நிலையில் கடந்த 2013ம் ஆண்டு தான் நடித்து தயாரித்த ’ஸ்வீட்டி நானா ஜோடி’ என்ற கன்னட திரைப்படத்தை தன்னுடைய அனுமதி இல்லாமல் யூடியூப்பில் வெளியிட்ட மர்ம நபர் குறித்து காவல்துறையில் புகார் கொடுத்துள்ளார்.
ரூபாய் மூன்று கோடி செலவில் இந்த படத்தை தான் தயாரித்து முக்கிய வேடத்தில் நடித்ததாகவும் ஆனால் தன்னுடைய அனுமதியின்றி மோசடியாக யூடிபில் மர்ம நபர் ஒருவர் வெளியிட்டுள்ளதாகவும் இதுகுறித்து நடவடிக்கை எடுக்க வேண்டும் என்றும் அவர் காவல்துறையில் புகார் அளித்துள்ளார்.
இந்த புகார் குறித்து காவல்துறையினர் விசாரணை செய்து வருகின்றனர் என்றும், விரைவில் இந்த படத்தை யூடியூப்பில் பதிவேற்றிய நபர் கண்டுபிடிக்கபடுவார் என்றும் எதிர்பார்க்கப்படுகிறது.