பாட்டியாக மாறிய பிரபல தமிழ் நடிகை
- IndiaGlitz, [Friday,June 08 2018]
பிரபல நடிகை ராதிகா சரத்குமார் தற்போதும் கோலிவுட் திரையுலகிலும் சின்னத்திரையிலும் பிசியான நடிகையாக இருந்து வருகிறார். திரையில் முன்னணி நடிகர்களுக்கு அம்மா வேடங்களில் நடித்து வரும் ராதிகா தற்போது நிஜத்தில் பாட்டியாக புரமோஷன் ஆகியுள்ளார்.
ஆம், ராதிகாவின் மகள் ரேயானுக்கு நேற்று அழகிய ஆண்குழந்தை பிறந்துள்ளது. கடந்த 2016ஆம் ஆண்டு பிரபல கிரிக்கெட் வீரர் அபிமன்யூ மிதுன் என்பவரை மணந்த ரேயான், சமீபத்தில் கர்ப்பமானார். இவருக்கு நேற்று அழகிய ஆண்குழந்தை பிறந்ததாகவும் தாயும் சேயும் நலமாக இருப்பதாகவும் தகவல்கள் வெளிவந்துள்ளது.
தனக்கு பேரக்குழந்தை பிறந்ததையும் தான் பாட்டியாகிவிட்டதையும் நடிகை ராதிகா சமூக வலைத்தளத்தில் தனது மகிழ்ச்சியை தெரிவித்துள்ளார்.