நடிகர் சங்க புகாருக்கு ராதிகாவின் ரியாக்ஷன்
- IndiaGlitz, [Friday,March 04 2016]
தென்னிந்திய நடிகர் சங்கத்தின் முன்னாள் தலைவர் ரூ.1.65 கோடி சங்கத்தின் பணத்தை முறைகேடு செய்ததாக புதிய நிர்வாகிகள் நேற்று போலீஸ் புகார் அளித்ததும், அதற்கு பதில் நடவடிக்கையாக சரத்குமார், பூச்சிமுருகன் மீது புகார் அளித்ததையும் நேற்றே பார்த்தோம். இந்நிலையில் இந்த விவகாரம் குறித்து பிரபல நடிகையும் சரத்குமாரின் மனைவியுமான ராதிகா சரத்குமார் தனது கருத்தை தெரிவித்துள்ளார்.
நடிகர் சங்கத்தின் டிரஸ்ட்டில் எந்தவித வருமானமும் இருந்தது கிடையாது என்றும் வருமானம் இல்லாத ஒரு டிரஸ்ட்டில் எப்படி கோடிக்கணக்கான பணத்தை முறைகேடு செய்திருக்க முடியும் என்றும் கேள்வி எழுப்பியுள்ளார்.
மேலும் எந்தவித ஆதாரமும் இல்லாமல் புதிய நிர்வாகிகள் இதுபோன்ற குற்றச்சாட்டுக்களை தெரிவிப்பது அவர்களுக்கு மெச்சூரிட்டி இல்லாததையே காட்டுகிறது என்று ராதிகா தனது சமூக வலைத்தளத்தில் கூறியுள்ளார்.