యంగ్ రెబల్‌స్టార్ ప్ర‌భాస్ ప్యాన్ ఇండియా అయిన‌ప్ప‌టి నుండి ఆయ‌న సినిమాల‌పై చాలా ఫోక‌స్ పెరిగింది. అభిమానులు ఆస‌క్తిక‌రంగా ప్ర‌భాస్ సినిమాల అప్‌డేట్స్ కోసం వెయిట్ చేస్తున్నారు. ప్ర‌భాస్ కూడా అభిమానుల‌ను దృష్టిలో పెట్టుకుని సినిమాల‌ను ఓకే చేస్తూ వ‌స్తున్నారు. ప్ర‌భాస్ సినిమాల‌న్నీ ఇప్పుడు ప్యాన్ ఇండియా మూవీస్‌గానే తెర‌కెక్కుతున్నాయి. తాజాగా ప్ర‌భాస్ 20వ చిత్రం రాధేశ్యామ్ తుది ద‌శ చిత్రీక‌ర‌ణ‌కు చేరుకుంది. క‌రోనా వైర‌స్ ప్ర‌భావంగా ఈ సినిమా షూటింగ్ ఆగింది. మ‌రి ఎప్పుడు మొద‌ల‌వుతుందా? అని అందరూ ఆస‌క్తిగా ఎదురుచూస్తున్నారు.

ప్ర‌భాస్ కోసం హైద‌రాబాద్‌లో సెట్స్ వేశార‌ని.. విదేశాల‌కు ప్ర‌భాస్ షూటింగ్ కోసం వెళుతున్నార‌ని వార్త‌లు వినిపించాయి. ఆగ‌స్ట్‌లో సినిమా షూటింగ్ మొద‌లు పెట్టాల‌ని యూనిట్ భావించింది. కానీ.. ప‌రిస్థితులు స‌హ‌క‌రించ‌డం లేదు. దీంతో ద‌ర్శ‌క నిర్మాత‌లు సెప్టెంబ‌ర్‌లో షెడ్యూల్ చేయాల‌ని ప్లాన్ చేస్తున్నారు. వ‌చ్చే ఏడాది స‌మ్మ‌ర్‌లోనే విడుద‌ల చేయాల‌నుకుంటున్నారు. ఈ పీరియాడిక్ ల‌వ్‌స్టోరిలో పూజా హెగ్డే హీరోయిన్‌గా న‌టిస్తుంది. రాధాకృష్ణ కుమార్ ద‌ర్శ‌క‌త్వంలో రూపొందుతోన్న ఈ చిత్రాన్ని గోపీకృష్ణామూవీస్‌, యువీ క్రియేష‌న్స్ బ్యాన‌ర్స్‌ నిర్మిస్తున్నాయి.