தமிழகத்தில் பாஜக மலர்ந்தே தீரும்: பிரபல நடிகர்
- IndiaGlitz, [Friday,February 07 2020]
நாடு முழுவதும் செல்வாக்குள்ள கட்சியாக இருக்கும் பாஜக தமிழகத்தில் மட்டும் பின்தங்கி இருப்பது அனைவரும் அறிந்ததே. சமீபத்தில் நடந்த பாராளுமன்ற தேர்தலில் அதிமுகவுடன் கூட்டணி வைத்தும் அந்தக் கட்சியால் ஒரு தொகுதியில் கூட வெற்றி பெற முடியவில்லை இருப்பினும் வருங்காலத்தில் பாஜகவிற்கு தமிழகத்தில் நல்ல எதிர்காலம் இருப்பதாக பாஜக தமிழகத் தலைவர்கள் கூறிவருகின்றனர். அதுமட்டுமின்றி பாஜகவில் சமீபகாலமாக பல திரையுலக பிரமுகர்களும் இணைந்து வருகின்றனர் என்பது குறிப்பிடத்தக்கது
இந்த நிலையில் திமுகவில் இருந்து நீக்கப்பட்ட நடிகர் ராதாரவி சமீபத்தில் பாஜகவில் சேர்ந்தார் என்பது தெரிந்ததே. இதனை அடுத்து பாஜகவின் தமிழகத்தில் பாஜகவின் எதிர்காலம் எப்படி இருக்கும் என்பது குறித்து ராதாரவி கூறிய போது ’தமிழகத்தில் பாஜக மலர்ந்தே தீரும் என்றும் இன்னும் 25 ஆண்டுகளுக்கு நாடு முழுவதும் பாஜக தான் இருக்கும் என்றும் அவர் தெரிவித்தார்
ராதாரவி கூறியபடி பாஜக தமிழகத்தில் வளருமா? வரும் 2021ஆம் ஆண்டு நடைபெறும் சட்டமன்ற தேர்தலில் குறிப்பிடத்தக்க வாக்கு சதவீதத்தை பாஜக பெறுமா என்பதை பொறுத்திருந்து பார்ப்போம்