திமுக இளைஞரணி செயலாளரும் நடிகருமான உதயநிதி சமீபத்தில் தனது டுவிட்டர் பக்கத்தில் ‘தலைவர் ஸ்டாலின் அவர்கள் தலைமையில் 23ம்தேதி சென்னையில் நடைபெறும் குடியுரிமை சட்டத்திற்கு எதிர்ப்பு தெரிவிக்கும் பேரணியில் அனைவரும் பங்கெடுப்போம். உரிமைக்கான போராட்டத்தைக் கண்டு 'வன்முறை' என்று அஞ்சும் வசதியான, வயதான பெரியவர்களைச் சரியான பாதுகாப்புடன் வீட்டிலேயே விட்டுவரவும் என்று குறிப்பிட்டிருந்தார். வயதான பெரியவர்கள் என்று உதயநிதி, ரஜினியைத்தான் கூறுவதாக நெட்டிசன்கள் தெரிவித்தனர்.

இந்த நிலையில் உதயநிதியின் இந்த டுவீட் குறித்து சமீபத்தில் பாஜகவில் இணைந்த நடிகர் ராதாரவி கூறியபோது, ‘ஸ்டாலின், ரஜினி, கமல், விஜயகாந்த் அனைவருமே ஒரே வயது உடையவர்கள் என்பதால், மு.க.ஸ்டாலினையே உதயநிதி சொல்கிறார் என்று தெரிவித்தார்.

மேலும் திமுக பேரணியில் கமல் கலந்து கொள்ளாதது குறித்து கூறியபோது, ‘இரண்டாவது வரிசையில் அமர வைத்துவிடுவோம் என்ற ஐயத்தாலேயே மக்கள் நீதி மய்ய தலைவர் கமல்ஹாசன் திமுக நடத்தும் பேரணியில் பங்கேற்க போவதில்லை என அறிவித்திருக்கலாம் என்றும் ராதாரவி கூறினார்.