சூப்பர் ஸ்டார் ரஜினிகாந்த் நடிப்பில் பா.ரஞ்சித் இயக்கத்தில் கலைப்புலி எஸ்.தாணு தயாரித்த 'கபாலி' படத்தில் ஒரு சிறிய கேரக்டரில் ராதாரவி நடிப்பதாக இருந்தது. இதுகுறித்து கலைஞருக்கு வணக்கம் என்ற நிகழ்ச்சியில் பேசிய நடிகர் ராதாரவி கூறியதாவது:

கலைப்புலி தாணு அவர்கள் 'கபாலி' படத்தில் ஒரே ஒரு நாள் மட்டும் நடிக்க வேண்டும் என்று எனக்கு போன் செய்து கேட்டார். ரஜினி படத்தில் ஒருநாள் மட்டுமா? இதுவரை நான் அப்படி நடித்ததில்லையே என்று யோசித்தேன்

பின்னர் சில நாட்கள் கழித்து மீண்டும் அதுகுறித்து நான் தாணுவிடம் கேட்டபோது, 'பழைய முகம் வேண்டாம் என இயக்குனர் கூறிவிட்டதாக கூறினார். அப்படி பார்த்தால் இருப்பதிலேயே ரஜினி முகம் தானே பழைய முகம்' என நான் தாணுவிடம் கூறினேன்' என்று ராதாரவி பேசினார். இதே விழாவில் இயக்குனர் ரஞ்சித்தும் கலந்து கொண்டு கலைஞர் குறித்து பேசினார் என்பது குறிப்பிடத்தக்கது.