ரஜினியின் நடிகர் சங்க பெயர் மாற்ற கருத்துக்கு ராதாரவி பதில்
- IndiaGlitz, [Monday,October 19 2015]
சூப்பர் ஸ்டார் ரஜினிகாந்த் நடிகர் சங்க தேர்தலுக்காக தனது வாக்கை பதிவு செய்துவிட்டு பின்னர் அளித்த பேட்டியில் 'தென்னிந்திய நடிகர் சங்கம் என்ற பெயரை தமிழ்நாடு நடிகர் சங்கம் என்று பெயர் மாற்ற வேண்டும் என்றும், உயிரே போனாலும் கொடுத்த வாக்குறுதிகளை நிறைவேற்ற வேண்டும் என்றும் கருத்து தெரிவித்தார்.
இதுகுறித்து கருத்து கூறிய நடிகர் சங்க செயலாளர் பதவிக்கு போட்டியிடும் ராதாரவி கூறுகையில், 'இது அவருடைய கருத்து. நான் இதை வரவேற்கிறேன். இருப்பினும் ஜெயித்து வரும் அணி, அதன் செயற்குழுவுடன் பேசி கலந்தாலோசித்து ஒரு மனதாக முடிவெடுத்தால் மட்டுமே இந்த தீர்மானத்தை நிறைவேற்ற முடியும்' என்று கூறினார்.
ரஜினி கூறியதைப்போல தமிழ்நாடு நடிகர் சங்கம் என்று ஜெயித்து வரும் அணி மாற்றுவார்களா? என்பதை பொறுத்திருந்துதான் பார்க்க வேண்டும்.