ర‌వితేజ కోసం రాశీఖ‌న్నా స్పెష‌ల్..?
- IndiaGlitz, [Wednesday,July 08 2020]
మాస్ మ‌హారాజా ర‌వితేజ ఏక‌ధాటిగా వ‌రుస సినిమాల‌కు గ్రీన్ సిగ్న‌ల్ ఇస్తున్నారు. ప్ర‌స్తుతం క్రాక్ సినిమాను పూర్తి చేసే పనిలో ఉన్నారు ర‌వితేజ. ఈ సినిమా త‌ర్వాత రమేశ్ వర్మ దర్శకత్వంలో ఓ సినిమా చేయ‌బోతున్నాడు. ఈ సినిమా ట్రాక్ ఎక్క‌క ముందే డైరెక్ట‌ర్ వ‌క్కంతం వంశీ ద‌ర్శ‌క‌త్వంలోనూ సినిమా చేయ‌డానికి ఓకే చెప్పేశాడు. క్రాక్ త‌ర్వాత రమేశ్ వర్మ, వ‌క్కంతం వంశీ సినిమాల‌ను ఒకేసారి స్టార్ట్ చేస్తాడా? లేక గ్యాప్ తీసుకోకుండా ఏక‌ధాటిగా రెండు సినిమాల‌ను పూర్తి చేస్తాడా? అనేది తెలియ‌డం లేదు. వీటి మ‌ధ్య‌లో త్రినాథ రావు న‌క్కిన ద‌ర్శ‌క‌త్వంలోనూ సినిమా చేయ‌డానికి ఓకే చెప్పేశాడు. అయితే క్రాక్ త‌ర్వాత ర‌వితేజ ఏ సినిమా స్టార్ట్ చేస్తాడ‌నే దానిపై ఇంకా క్లారిటీ రాలేదు.
చంట‌బ్బాయ్ త‌ర‌హా కామెడీ ఎంట‌ర్‌టైన‌ర్‌గా సినిమాను తెర‌కెక్కిస్తార‌ని సినీ వ‌ర్గాల్లో వార్త‌లు విన‌ప‌డుతున్నాయి. కాగా ఇందులో న‌భా న‌టేశ్‌, నిధి అగ‌ర్వాల్ హీరోయిన్స్‌గా న‌టించే అవ‌కాశం ఉంద‌ని కూడా టాక్ విన‌ప‌డుతోంది. కాగా.. తాజా స‌మాచారం మేర‌కు ఈ సినిమాలో ఓ స్పెష‌ల్ సాంగ్‌లో ర‌వితేజ‌తో రాశీఖ‌న్నా కాలు క‌దుపుతుంద‌ని అంటున్నారు. గ‌తంలో ర‌వితేజ, రాశీఖ‌న్నా కాంబినేష‌న్‌లో బెంగాల్ టైగ‌ర్‌, ట‌చ్ చేసి చూడు చిత్రాలు రూపొందాయి. మ‌రి ర‌వితేజ సినిమాలో పాయల్ స్పెష‌ల్ సాంగ్‌లో న‌టించ‌నుంద‌నే వార్త‌ల‌పై రాశీఖ‌న్నా ఏమైనా క్లారిటీ ఇస్తుందేమో చూడాలి.