రాశికి మ‌రో ఆఫర్
- IndiaGlitz, [Monday,December 04 2017]
తెలుగులో స‌క్సెస్‌ఫుల్ క‌థానాయిక‌గా పేరు తెచ్చుకుంది ఉత్త‌రాది భామ రాశి ఖన్నా. తెలుగుతో పాటు హిందీ, త‌మిళ్‌, మ‌ల‌యాళ భాష‌ల్లో ఈ ముద్దుగుమ్మ చేతినిండా సినిమాల‌తో బిజీగా ఉంది. తాజాగా ఆక్సిజ‌న్‌తో ప‌ల‌క‌రించిన ఈ ముద్దుగుమ్మ‌కి త‌మిళంలో ఓ మంచి ఆఫర్ ద‌క్కింద‌ని కోలీవుడ్ వ‌ర్గాలు పేర్కొంటున్నాయి.
తమిళ హీరో జయం రవి అప్ కమింగ్ ఫిలింలో రాశి ఖన్నా హీరోయిన్‌గా క‌న్‌ఫ‌ర్మ్ అయ్యింద‌ని త‌మిళ‌నాట వార్త‌లు వినిపిస్తున్నాయి. ఈ సినిమాని డెబ్యు డైరెక్టర్ కార్తి తంగవేల్ రూపొందించనున్నారు. హోంమూవీ మేకర్స్ నిర్మిస్తున్న ఈ చిత్రానికి 'విక్రం వేద' సినిమా మ్యూజిక్ డైరెక్టర్ సామ్ సి.ఎస్. సంగీతాన్ని సమకూరుస్తున్నారు.
హీరో సిద్దార్థ్ తో 'షైతాన్ కి బచ్చా'తో పాటు నయనతార, అధర్వ మురళి నటిస్తున్న సినిమా 'ఇమైక్కా నోడిగళ్'లో నటిస్తున్న రాశి.. ఇప్పుడు జయం రవితో జోడీ కట్టనుంది. రాశి ఖన్నాకి ఇది మూడవ తమిళ చిత్రం కావడం విశేషం. యాక్షన్ థ్రిల్లర్ గా రూపొందుతున్న ఈ సినిమా త్వరలోనే షూటింగ్ జరుపుకోనుంది. ప్ర‌స్తుతం రాశి.. ర‌వితేజ ట‌చ్ చేసి చూడులో న‌టిస్తోంది. సంక్రాంతికి ఈ సినిమా విడుద‌ల కానుంది.