రాశి ఖన్నా.. డబుల్ ధమాకా
- IndiaGlitz, [Monday,January 01 2018]
ఊహ‌లు గుస‌గుస‌లాడే చిత్రంతో తెలుగు తెర‌కు ప‌రిచ‌య‌మైన ముద్దుగుమ్మ రాశి ఖన్నా. కేవ‌లం తెలుగుకే ప‌రిమితం కాకుండా హిందీ, త‌మిళ్‌, మ‌ల‌యాళం భాష‌ల్లోనూ సినిమాలు చేస్తూ.. బ‌హుభాషా న‌టీమ‌ణి అనిపించుకుంటోంది ఈ చిన్న‌ది. గ‌తేడాది జై ల‌వ కుశ, ఆక్సిజ‌న్ చిత్రాల‌తో ప‌ల‌క‌రించిన ఈ ఉత్త‌రాది భామ.. ఈ ఏడాది ఆరంభంలో రెండు సినిమాలతో ప‌ల‌క‌రించ‌బోతోంది.
విశేష‌మేమిటంటే.. ఆ రెండు సినిమాలు కూడా వారం గ్యాప్‌లో సంద‌డి చేయ‌నుండ‌డం. కాస్త వివ‌రాల్లోకి వెళితే.. బెంగాల్ టైగ‌ర్ త‌రువాత మాస్ మ‌హారాజా ర‌వితేజతో ట‌చ్ చేసి చూడు సినిమా చేస్తోంది రాశి. ఈ సినిమా ఫిబ్ర‌వ‌రి 2న విడుద‌ల కానుంద‌ని ట్రేడ్ వ‌ర్గాలు పేర్కొంటున్నాయి. ఆ సినిమా విడుద‌లైన వారం రోజుల త‌రువాత అంటే ఫిబ్ర‌వ‌రి 9న వ‌రుణ్ తేజ్‌కి జోడీగా రాశిఖ‌న్నా న‌టించిన తొలి ప్రేమ రిలీజ్ కానుంది. అంటే.. వారం రోజుల గ్యాప్‌లో రాశి డబుల్ ధమాకా ఇవ్వ‌నుంద‌న్న‌మాట. ట‌చ్ చేసి చూడు మాస్ స‌బ్జెక్ట్‌తో తెర‌కెక్కితే.. తొలి ప్రేమ క్లాస్ మూవీగా తెర‌కెక్కింది.