எங்களை நேரடியாக சந்தியுங்கள். பிரதமர் மோடிக்கு ஆர்ஜே பாலாஜி வேண்டுகோள்
- IndiaGlitz, [Thursday,January 19 2017]
சென்னை மெரீனா உள்பட தமிழகத்தின் பல்வேறு பகுதிகளில் ஜல்லிக்கட்டுக்கான போராட்டம் தீவிரமாக நடைபெற்று வருகிறது. இந்த போராட்டம் குறித்து நடிகர் ஆர்ஜே பாலாஜி அவ்வப்போது கருத்து தெரிவித்தும், போராட்டத்தில் பங்கேற்றும் வருகிறார். இந்நிலையில் இன்று அவர் கோவையில் நடைபெற்று வரும் போராட்டத்தில் கலந்து கொண்டு பேசினார். அப்போது அவர் கூறியதாவது:
மாண்புமிகு பிரதமரிடம் ஒன்றை சொல்லிக்கொள்ள விரும்புகிறேன். நீங்கள் ஜல்லிக்கட்டு தொடர்பாக தமிழக பிரதிநிதிகளை சந்திக்கப் போகிறீர்கள் என்றால் அதைச் செய்ய வேண்டாம்.
ஏனென்றால் அவர்கள் எப்போதும் எங்களுக்கான சரியான பிரதிநிதியாக செயல்பட்டதில்லை. எங்களை நேரடியாக சந்தியுங்கள். நாங்கள் பேசுவதை ஒருமுறை கேளுங்கள். அரசாங்கம் மக்களுக்காக மக்களால் தேர்ந்தெடுக்கப்பட்டது. சட்டங்களும் மக்களுக்காகத் தான். ஒரு மாநிலத்தைச் சேர்ந்த இளைஞர்கள் அனைவரும் ஒரு சட்டத்தை எதிர்க்கிறார்கள் என்றால் கண்டிப்பாக அதை மாற்றலாம்.
நீங்கள் எங்களை விரைவில் சந்திப்பீர்கள் என நாங்கள் நம்புகிறோம். நாங்கள் பெருமைமிகு இந்தியர்கள். ஆனால் அது தமிழன் என்ற அடையாளத்தை விடுத்து அல்ல" என்று ஆர்ஜே பாலாஜி கூறியுள்ளார்.