మాహిష్మతి రాజమాత శివగామిగా అలరించాలన్నా, కంటి చూపుతో బెదిరించే శైలజారెడ్డిగా మెప్పించాలన్నా అది రమ్యకృష్ణకే సాధ్యైమెంది. ఇప్పుడు ఈమె మరో వైవిధ్యైమెన పాత్రలో ఆకట్టుకోనున్నారు. తమిళనాడు దివంగత ముఖ్యమంత్రి.. పురట్చితైలెవి జయులలిత బయోపిక్‌లో అమ్మ పాత్రలో నటిస్తోన్న సంగ‌తి తెలిసిందే. ప్రస్తుతం తమిళనాట జయులలితకు సంబంధించి రెండు బయోపిక్‌లు రూపొందుతున్నాయి. ఇవిగాక మరో బయోపిక్ తెరకెక్కనుంది. అయితే సినిమాగా కాదు.. వెబ్ సిరీస్ రూపంలో. ఈ వెబ్ సిరీస్‌ను ప్రముఖ దర్శకుడు గౌతమ్ వాసుదేవ్ మీనన్ తెరకెక్కిస్తున్నారు. 30 ఏపిసోడ్స్ ఉండేలా ఈ బయోపిక్ సిరీస్‌ను ప్లాన్ చేస్తున్నారు.

ఈ బ‌యోపిక్‌కి `క్వీన్‌` అనే టైటిల్‌ను ఖ‌రారు చేశారు. ఎం.ఎక్స్ ప్లేయ‌ర్ ద్వారా ఈ వెబ్ సిరీస్ త్వ‌ర‌లోనే ప్ర‌సారం కానుంది. ఇప్ప‌టికే సిరీస్ టీజ‌ర్‌ను విడుద‌ల చేసింది చిత్ర యూనిట్ ఇందులో పురట్చితైలైవిగా ర‌మ్య‌కృష్ణ ఎలా ఉంటుంద‌ని చూపించ‌లేదు. అయితే డిసెంబ‌ర్ 5న విడుద‌ల కాబోయే ట్రైల‌ర్‌తో ఈ సస్పెన్స్‌కు తెర‌ప‌డ‌నుంది. ఇప్ప‌టి వ‌ర‌కు సినిమాల విష‌యానికి వ‌స్తే ది ఐర‌న్ లేడీ అనే బ‌యోపిక్‌లో నిత్యామీన‌న్‌, తలైవి అనే బ‌యోపిక్‌లో కంగ‌నా ర‌నౌత్ జ‌య‌ల‌లిత పాత్ర‌లో న‌టిస్తున్నారు. అయితే ఈ రెండు సినిమాలు రావ‌డానికి ఇంకా స‌మ‌యం ప‌ట్టేలానే ఉంది. వీరిద్ద‌రు జ‌య‌ల‌లిత‌గా ఎలా ఉంటార‌నే లుక్స్ మాత్రం విడుద‌ల‌య్యాయి. కానీ.. వెబ్‌సిరీస్ రూపంలో పురట్చితైలెవి, అమ్మ‌గా రాబోయే ర‌మ్య‌కృష్ణ లుక్ మాత్రం డిసెంబ‌ర్ 5నే తెలియ‌నుంది.