‘మహానటి’తో దర్శకుడిగా తన సత్తాను నిరూపించుకున్న నాగ్ అశ్విన్ తాజాగా యంగ్ రెబల్ స్టార్ ప్రభాస్‌ 21వ చిత్రాన్ని తెరకెక్కించేందుకు సిద్ధమవుతున్నారు. సినిమాకు సంబంధించిన ప్రి ప్రొడక్షన్ వర్క్‌ను శరవేగంగా పూర్తి చేస్తున్నారు. వైజయంతి మూవీస్ బ్యానర్‌పై సి.అశ్వనీదత్ నిర్మిస్తున్న ఈ చిత్రానికి హీరోయిన్ కూడా సిద్ధమై పోయింది. బాలీవుడ్ భామను హీరోయిన్‌గా నాగ్ అశ్విన్ సెట్ చేశారు.

ఎందరో బాలీవుడ్ భామలను పరిశీలించిన మీదట దర్శక నిర్మాతలు దీపికకు ఓకే అయ్యారు. ఈ విషయాన్ని వెల్లడిస్తూ నాగ్ అశ్విన్ ట్వీట్ చేశారు. ’కింగ్ పక్కన సరిపడేంత క్వీన్ కావాలి కదా మరి.. చాలా ఆలోచించి తీసుకున్న నిర్ణయం ఇది. పిచ్చెక్కించేద్దాం’ అని అంటూ నాగ్ అశ్విన్ ట్వీట్ చేశారు. సైంటిఫిక్ థ్రిల్లర్‌గా ఈ సినిమా తెరకెక్కనుంది. ‘బాహుబలి’ తర్వాత ‘సాహో’తో ప్రేక్షకుల ముందుకు వచ్చిన ప్రభాస్.. ఆశించిన ఫలితాన్నైతే పొందలేకపోయాడు. మరి నాగ్ అశ్విన్ ఏం చేస్తారో చూడాలి.