தமிழகம் உள்பட இந்தியா முழுவதும் கொரோனா வைரஸ் மிக வேகமாக பரவி வருவதை அடுத்தே வெளிநாட்டிலிருந்து வந்தவர்கள் மற்றும் வெளி மாநிலத்தில் இருந்து வந்தவர்களை மாநகராட்சி நகராட்சி ஊழியர்கள் தனிமைப்படுத்தி வருகின்றனர். அவர்களின் வீடுகளும் தனிமைப்படுத்தப்பட்டு ஸ்டிக்கர் ஒட்டப்பட்டு வருகின்றன என்பது குறிப்பிடத்தக்கது.

இந்த நிலையில் வெளிநாட்டிலிருந்து வந்த இளைஞர் ஒருவர் சமீபத்தில் தனிமைப்படுத்தப்பட்டார். அவர் திடீரென தனிமைப்படுத்தப்பட்டதால் மன ரீதியாக பாதிக்கப்பட்டதாக தெரிகிறது. இதனையடுத்து அந்த வாலிபர் திடீரென தெருவுக்குச் வந்து, அங்கு நடந்து சென்ற மூதாட்டி ஒருவரின் கழுத்தை கடித்து கொலை செய்துள்ளார்.

இதனால் அதிர்ச்சி அடைந்த அந்த பகுதி மக்கள் இதுகுறித்து காவல் நிலையத்துக்கு தகவல் அளித்தனர். காவல் நிலைய அதிகாரிகள் உடனடியாக வந்து மனரீதியில் பாதிக்கப்பட்ட அந்த இளைஞரை மருத்துவனையில் சேர்த்தனர். அவருக்கு மருத்துவர்கள் கவுன்சிலிங் கொடுக்க முடிவு செய்துள்ளனர்.