சூப்பர் ஸ்டாருக்கு நன்றி சொன்ன வெள்ளி மங்கை
- IndiaGlitz, [Wednesday,August 24 2016]
இந்தியாவின் வெள்ளி மங்கை பி.வி.சிந்து, ஒலிம்பிக் பேட்மிண்டன் போட்டியில் வெள்ளிப்பதக்கம் பெற்றதால் நாடே அவரை தூக்கி வைத்து கொண்டாடிய நிலையில் நம்முடைய சூப்பர் ஸ்டார் ரஜினிகாந்த் அவர்களும் தனது டுவிட்டரில் சிந்துவுக்கு தனது வாழ்த்துக்களையும் பாராட்டுக்களையும் தெரிவித்தார் என்பதை ஏற்கனவே பார்த்தோம். அதுமட்டுமின்றி கோடிக்கணக்கான ரசிகர்களை வைத்துள்ள ரஜினி, தான் சிந்துவின் ரசிகர் என்றும் கூறியது அனைவரையும் வியப்பில் ஆழ்த்தியது.
இந்நிலையில் சமீபத்தில் வெள்ளிப்பதக்கத்துடன் நாடு திரும்பிய சிந்து, ரஜினிக்கு தனது டுவிட்டர் பக்கத்தில் நன்றி கூறியுள்ளார். உங்களுக்கு நன்றி சொல்வதற்கும் என்னுடைய மகிழ்ச்சியை வெளிப்படுத்துவதற்கும் எனக்கு வார்த்தைகளே இல்லை. மிகவும் நன்றி ரஜினி சார் என்றும் அவர் தனது டுவிட்டரில் தெரிவித்துள்ளார்.
பி.வி.சிந்துவின் இந்த பதிவு மிகவேகமாக ரஜினி ரசிகர்களாலும், சிந்துவின் ஆதரவாளர்களாலும் ஷேர் செய்யப்பட்டு வருகிறது.