తెలుగు చిత్రసీమ‌లో పివిపి సినిమా నిర్మాణ సంస్థ, త‌న‌దైన ప్ర‌త్యేక‌త‌ను నిలుపుకుంటుంది. ఊపిరి, క్ష‌ణం, ఘాజీ వంటి లో బ‌డ్జెట్‌, హై బ‌డ్జెట్ చిత్రాల‌ను రూపొందిస్తున్న ఈ నిర్మాణ సంస్థ ఇప్పుడు గోపీచంద్ సినిమాకు అండ‌గా నిల‌బడింది. బి.గోపాల్ ద‌ర్శ‌క‌త్వంలో జ‌య బాలాజీ రీల్ మీడియా ప్రై.లి. బ్యాన‌ర్‌పై ఓ సినిమాని తాండ్ర ర‌మేష్ నిర్మిస్తున్న సంగ‌తి తెలిసిందే. న‌య‌న‌తార ఇందులో హీరోయిన్‌గా న‌టిస్తుంది. ఎప్ప‌టి నుండో సెట్స్‌లో ఉన్న ఈ చిత్రం వాయిదాలు ప‌డుతూ వ‌చ్చి ఎట్టకేల‌కు సినిమా షూటింగ్ పూర్త‌య్యింది. సినిమా మేకింగ్‌లో కొన్ని ఆర్ధిక స‌మ‌స్య‌లు వ‌స్తే నిర్మాత‌ల‌కు పివిపి సినిమాస్ సంస్థ అండ‌గా నిల‌బ‌డింది. దీంతో సినిమా మిగిలిన కార్య‌క్ర‌మాల‌ను పూర్తి చేసుకుని వ‌చ్చే ఏడాది రిలీజ్‌కు సిద్ధ‌మ‌వుతుంద‌ట‌.