ఊపిరి శాటిలైట్ రైట్స్ పై క్లారిటీ ఇచ్చిన పి.వి.పి
- IndiaGlitz, [Wednesday,April 13 2016]
టాలీవుడ్ కింగ్ నాగార్జున - కోలీవుడ్ హీరో కార్తీ కాంబినేష‌న్లో రూపొందిన ఊపిరి చిత్రం మూడ‌వ వారంలోను విజ‌య‌వంతంగా ప్ర‌ద‌ర్శింప‌బ‌డుతోంది. ముఖ్యంగా ఓవ‌ర్ సీస్ లో రికార్డ్ స్ధాయి క‌లెక్ష‌న్స్ తో టు మిలియ‌న్ మార్క్ కు ద‌గ్గ‌ర‌లో ఉండ‌డం విశేషం. ఇదిలా ఉంటే..ఊపిరి చిత్రం తెలుగు, త‌మిళ శాటిలైట్ రైట్స్ ను 14 కోట్లుకు అమ్మిన‌ట్లు ప్ర‌చారం జ‌రుగుతుంది.
నాగార్జున చిత్రానికి తెలుగులో శాటిలైట్ రైట్స్ ప‌రంగా దాదాపు 8 కోట్లు వ‌స్తున్నాయి. అయితే త‌మిళ్ లో ఊపిరి చిత్రానికి శాటిలైట్ రైట్స్ ప‌రంగా 6 కోట్లు వ‌చ్చాయా..? అనే అనుమానం ఇండ‌స్ట్రీకి సంబంధించిన కొంత‌మంది వ్య‌క్తుల్లో ఏర్ప‌డింది. ఈ విష‌యం పై క్లారిటీ కోసం మీడియా పి.వి.పి సంస్థ‌ను సంప్ర‌దిస్తే...ఊపిరి శాటిలైట్ రైట్స్ ద్వారా 14 కోట్లు ద‌క్కించుకుంది అనే ప్ర‌చారం పుకారు అని తేల్చేసింద‌ట. ఇప్ప‌టి వ‌ర‌కు ఊపిరి తెలుగు, త‌మిళ్ శాటిలైట్ రైట్స్ ఎవ‌రికి ఇవ్వ‌లేద‌ని, ప్ర‌స్తుతం చ‌ర్చ‌లు జ‌రుగుతున్నాయ‌ని పి.వి.పి సంస్థ చెప్పంద‌ట. మ‌రి..ఊపిరి శాటిలైట్ రైట్స్ ద్వారా ప్ర‌చారంలో ఉన్న‌ట్టు 14 కోట్లు ద‌క్కించుకుంటుందో...అంత‌కు మించి ద‌క్కించుకుంటుందో చూడాలి.