இந்தியாவின் நட்சத்திர பேட்மிண்டன் வீராங்கனையான பி.வி.சிந்து தளபதி விஜய் நடிப்பில் உருவான “பீஸ்ட்“ திரைப்படத்தின் அரபிக்குத்துப் பாடலுக்கு கலக்கலான நடனம் ஆடியுள்ளார். இந்த வீடியோவைப் பார்த்த ரசிகர்கள் பி.வி.சிந்துவிற்கு நடனம் கூட ஆடத்தெரியுமா? என்று ஆச்சர்யத்தை வெளியிட்டு வருகின்றனர்.

தெலுங்கானா மாநிலத்தைச் சேர்ந்த பேட்மிண்டன் வீராங்கனை பி.வி.சிந்து சாம்பியன்ஷிப் போட்டிகளில் தங்கம் வென்ற முதல் இந்திய வீராங்கனை என்ற பெருமைக்கு சொந்தக்காரராக இருந்து வருகிறார். மேலும் 2016 இல் நடைபெற்ற ஒலிம்பிக் போட்டியில் வெள்ளிப்பதக்கம் மற்றும் 2020 இல் நடைபெற்ற ஒலிம்பிக் போட்டியில் வெண்கலப் பதக்கம் என்று ஒட்டுமொத்த இந்தியாவிற்கும் பெருமை சேர்த்துக் கொண்டிருக்கிறார்.

இந்நிலையில் பி.வி.சிந்து, தளபதி விஜய் நடிப்பில் உருவாகி தற்போது திரையரங்குகளில் ஓடிக்கொண்டிருக்கும் “பீஸ்ட்“ படத்தின் முதல் லிரிக்கல் பாடலான “ஹலமதி ஹபிபோ ஹலமதி ஹபிபோ“ எனும் பாடலுக்குத் தனது க்யூட்டான நடனத்தை ஆடியுள்ளார். இந்த வீடியோவைப் பார்த்த அவரது ரசிகர்கள் சிந்துவிற்கு நடனம் கூட ஆடத்தெரியுமா? என்று ஆச்சர்யத்தை வெளியிட்டு உள்ளனர்.

அனிருத் இசையமைப்பில் உருவாகியிருக்கும் “பீஸ்ட்“ படத்தின் அனைத்துப் பாடல்களுமே ரசிகர்களைக் கவர்ந்திருக்கிறது. ஆனாலும் முதல் ரிலிக்கல் பாடலான அரபிக்குத்துப் பாடல் கடந்த பிப்ரவரி 14 ஆம் தேதி ரிலிசாகி இதுவரை யூடியூபில் 323 மில்லியன் பார்வையாளர்களைப் பெற்றுள்ளது. அதேபோல இந்தியாவின் டாப் 50 பாடல் வரிசையிலும் இந்தப் பாடல் இடம்பெற்றுள்ளது என்பதும் குறிப்பிடத்தக்கது.

View this post on Instagram

A post shared by Sindhu Pv (@pvsindhu1)