விஜய்சேதுபதியின் முதல் தெலுங்கு படம்
- IndiaGlitz, [Monday,November 07 2016]
இந்த ஆண்டில் விஜய்சேதுபதி நடித்த ஆறு படங்கள் வெளியாகி நல்ல வரவேற்பை பெற்ற நிலையில் விரைவில் அவர் நடித்த 'புரியாத புதிர்' வெளியாகவுள்ளது.
இதுவரை தமிழில் மட்டுமே விஜய்சேதுபதியின் படங்கள் வெளியாகி வந்த நிலையில் முதல்முறையாக 'புரியாத புதிர்' தமிழ், தெலுங்கு என இரண்டு மொழிகளிலும் ஒரே நாளில் வெளியாகவுள்ளது.
கடந்த சில வருடங்களாக தமிழில் வெளிவரும் படங்கள் தெலுங்கிலும் நல்ல வெற்றி பெற்று வரும் நிலையில் 'புரியாத புதிர்' திரைப்படமும் தெலுங்கில் நல்ல வரவேற்பை பெறும் என எதிர்பார்க்கப்படுகிறது. இந்த படத்தை தெலுங்கில் பிரபல பட நிறுவனமான 'டி வி சினி கிரியேஷன்ஸ் நிறுவனம் வெளியிடுகிறது.
விஜய்சேதுபதி, காயத்ரி, ரமேஷ் திலக் உள்ளிட்ட பலர் நடித்துள்ள இந்த படத்திற்கு சாம் இசையமைத்துள்ளார். ரஞ்சித் ஜெயக்கொடி இயக்கியுள்ள இந்த படம் இம்மாத இறுதியில் வெளிவரும் என்று எதிர்பார்க்கப்படுகிறது.