మహేష్ నిక్ నేమ్‌తో పూరి, రామ్ టైటిల్
- IndiaGlitz, [Sunday,December 30 2018]
డాషింగ్ డైరెక్ట‌ర్ పూరి జ‌గ‌న్నాథ్‌, ఎనర్జిటిక్ స్టార్ రామ్ కాంబినేష‌న్‌లో ఓ సినిమా రూపొంద‌నున్న సంగ‌తి తెలిసిందే. పూరి టూరింగ్ టాకీస్ బ్యాన‌ర్‌పై పూరి జ‌గ‌న్నాథ్‌, ఛార్మి క‌ల‌యిక‌లో సినిమా నిర్మితం కానుంది. ఈ సినిమాలో రామ్ స‌ర‌స‌న కొత్త హీరోయిన్‌ను ఎంపిక చేస్తున్నాడు పూరి జ‌గ‌న్నాథ్‌. జ‌న‌వ‌రిలో సెట్స్‌కు వెళ్ల‌నున్న ఈ సినిమాకు 'పండుగాడు' అనే టైటిల్ ప‌రిశీల‌న‌లో ఉంది.
పూరి ద‌ర్శ‌క‌త్వంలో మ‌హేశ్ కెరీర్‌లో ది బెస్ట్ మూవీ 'పోకిరి'లో మ‌హేశ్ నిక్ నేమ్ పండుగాడు. అప్ప‌ట్లో పండుగాడు పేరు ఎంత పెద్ద సెన్సేష‌న‌ల్ అయ్యిందో అంద‌రికీ తెలిసిందే. ఇప్పుడు ఆ నిక్ నేమ్‌నే త‌న సినిమాకు టైటిల్‌గా పూరి పెట్టాల‌నుకుంటున్నాడ‌ట. ఈ సినిమా వ‌చ్చే ఏడాది స‌మ్మ‌ర్‌లో మే నెల‌లో విడుద‌ల చేయ‌డానికి పూరి ప్లాన్స్ చేస్తున్నారు.