చిరుకోసం పూరి ఇస్మార్ట్
- IndiaGlitz, [Friday,July 26 2019]
రామ్ హీరోగా తెలంగాణ యాస‌లో మాస్ మ‌సాలాగా న‌టించిన సినిమా 'ఇస్మార్ట్ శంక‌ర్‌'. పూరి జ‌గ‌న్నాథ్ ద‌ర్శ‌క‌త్వం వ‌హించిన ఈ చిత్రాన్ని, ఆయ‌నా, ఛార్మి క‌లిపి నిర్మించారు. ఈ సినిమా బాక్సాఫీస్ ద‌గ్గ‌ర వ‌సూళ్ల వ‌ర్షం కురిపిస్తోంది. ఇటీవ‌లి కాలంలో ఎవ‌రి సినిమా బావున్నా, పిలిచి ప్ర‌శంసించ‌డం ఆన‌వాయితీగా పెట్టుకున్న చిరంజీవి తాజాగా ఈ సినిమాను కూడా ప్ర‌శంసించార‌ట. త‌న‌కోసం స్పెష‌ల్ షో వేయ‌మ‌ని కూడా పూరి జ‌గ‌న్నాథ్‌ను అడిగార‌ట. గురువారం ఆయ‌న కోసం స్పెష‌ల్ స్క్రీనింగ్ వేసిన‌ట్టు వినికిడి. ఇది వ‌ర‌కే చిరంజీవికి పూరి జ‌గ‌న్నాథ్ ఓ క‌థ‌ను చెప్పారు. తాజాగా కూడా ఆయ‌న ఇంట‌ర్వ్యూల్లో చిరంజీవితో మాస్ సినిమా చేయాల‌ని ఉంద‌ని వెల్ల‌డించారు.
దీన్ని బ‌ట్టి చూస్తే మంచి మాస్ క‌థ‌ను క‌నుక పూరి చెబితే, అది చిరంజీవికి న‌చ్చితే వీరి కాంబినేష‌న్‌లో సినిమా ఉంటుంద‌ని భావించ‌వ‌చ్చు. కొర‌టాల శివ ద‌ర్శ‌క‌త్వంలో సినిమా పూర్త‌యిన త‌ర్వాత పూరి సినిమా ప‌ట్టాలెక్కే అవ‌కాశాలూ ఉండ‌వ‌చ్చు. ఏదైనా చిరంజీవికి 'ఇస్మార్ట్ శంక‌ర్‌' ఎంత న‌చ్చింది?... పూరి చెప్ప‌బోయే తాజా క‌థ ఎంత న‌చ్చుతుంది?... అనేదాని మీద ఇదంతా ఆధార‌ప‌డి ఉంటుంది. మ‌రో విషయం ఏంటంటే చిరంజీవి పూర్తి మాస్ సినిమా చేసి కూడా చాన్నాళ్లైంద‌న్న‌ది వాస్త‌వం. ఈ త‌ర‌హా సినిమా వ‌స్తే అటు చిరు అభిమానులు కూడా పండుగ చేసుకుంటార‌నేది వాస్త‌వం.