పాట రాసిన పూరి
- IndiaGlitz, [Saturday,August 06 2016]
హీరో, నిర్మాత అయిన కల్యాణ్ రాం ఇప్పుడు పూరి జగన్నాథ్ దర్శకత్వంలో ఎన్టీఆర్ ఆర్ట్స్ బ్యానర్ లో ఇజం సినిమా చేస్తున్న సంగ‌తి తెలిసిందే ప్ర‌స్తుతం సినిమా శ‌ర‌వేగంగా చిత్రీక‌ర‌ణ‌ను జ‌రుపుకుంటుంది. ఈ చిత్రంలో ఢిల్లీ కి చెందిన మోడల్ అదితి ఆర్య నటిస్తుంది. రీసెంట్‌గా ఈ సినిమాకు సంబంధించిన పోస్ట‌ర్స్ విడుద‌ల‌య్యాయి. అందులో కల్యాణ్ రామ్ లుక్స్‌కు చాలా మంచి పేరు వ‌చ్చింది. అంతే కాకుండా ఈ చిత్రంలో కల్యాణ్ రామ్ సిక్స్ ప్యాక్ చేశాడు. తాజా స‌మ‌చారం ప్ర‌కారం ఈ చిత్రం కోసం డైరెక్ట‌ర్ పూరి జగన్నాథ్ ఓ పాట రాశారు. ఆ పాట ఎంటి, ఏ సంద‌ర్భంలో వ‌స్తుంద‌నే విష‌యాలు తెలుసుకోవాలంటే కొన్ని రోజులు ఆగాల్సిందే.
పూరి స్టయిల్ ఆఫ్ క‌మ‌ర్షియ‌ల్ ఎంట‌ర్‌టైన‌ర్‌గా రూపొందుతోన్న ఈ చిత్రంలో క‌ల్యాణ్‌రామ్ ప‌వ‌ర్‌ఫుల్ జ‌ర్న‌లిస్ట్ పాత్ర‌లో క‌న‌ప‌డ‌తున్నాడు. ఈ సినిమాను సెప్టెంబర్ 29న విడుద‌ల చేయ‌డానికి స‌న్నాహాలు చేస్తున్నారు.