శంకర్‌కి చేతకానిది.. పూరికి చేతనవుతుందా?
- IndiaGlitz, [Saturday,December 21 2019]
స్టార్ డైరెక్టర్ శంకర్‌కి చేత కానీ పని.. డాషింగ్ డైరెక్టర్ పూరికి చేతనవుతుందా? అని ఇండస్ట్రీలో టాక్ వినపడుతుంది. ఇంతకు శంకర్ చేత కానీ పని పూరి ఏం చేయబోతున్నాడు. అంటే ఓ ఇంటర్నేషనల్ స్టార్‌ను తన సినిమాలో నటింపచేయబోతున్నాడట. వివరాల్లోకెళ్తే.. పూరి ప్రస్తుతం విజయ్ దేవరకొండతో ‘ఫైటర్’ అనే సినిమా చేయడానికి రెడీ అవుతున్నాడు. స్ర్కిప్ట్ సిద్ధమవుతుంది. జనవరి నుండి సినిమా రెగ్యులర్ షూటింగ్ స్టార్ట్ అవుతుంది. ఈ చిత్రాన్ని పాన్ ఇండియా మూవీగా విడుదల చేయడానికి పూరి ప్లాన్ చేసుకుంటున్నాడు.
అందుకు తగినట్లు ప్రముఖ బాలీవుడ్ దర్శక నిర్మాత కరణ్ జోహార్‌తో చేతులు కలిపాడు. అందులో భాగంగా ‘ఫైటర్’ హిందీ వెర్షన్‌ను కరణ్ జోహార్ విడుదల చేస్తున్నాడు. అంతే కాకుండా ఈ చిత్రంలో జాన్వీకపూర్‌ను హీరోయిన్‌గా నటింప చేయడానికి కరణ్ జోహారే ఒప్పించాడు. లేటెస్ట్ సమాచారం మేరకు ఈ చిత్రంలో విలన్ కోసం పూరి అన్వేషిస్తున్నాడట. ప్రముఖ మాజీ బాక్సింగ్ దిగ్గజం మైక్ టైసన్‌ను విలన్‌గా నటింప చేస్తే బావుంటుందని ఆయన్ని సంప్రదించే పనిలో ఉన్నాడట. నిజంగానే మైక్ టైసన్ ఓకే చెబితే మాత్రం పూరి పెద్ద సక్సెస్‌ను సాధించినట్టే. గతంలో శంకర్ తన 2.0 కోసం ఆర్నాల్డ్2ను నటింప చేయాలనుకున్నాడు. కానీ కుదరలేదు. మరిప్పుడు పూరికి టైసన్ ఓకే చెబుతాడా లేదా? అనేది ఆసక్తికరంగా మారింది.