హీరోయిజంను స‌రికొత్త‌గా తెర‌పై ఆవిష్క‌రించ‌డంలో డాషింగ్‌డైరెక్ట‌ర్ పూరి జ‌గన్నాథ్‌కు ప్ర‌త్యేక‌మైన శైళి ఉంది. అందుక‌నే హీరోలంద‌రూ ఆయ‌న ద‌ర్శ‌క‌త్వంలో సినిమా చేయాల‌నుకుంటూ ఉంటారు. ప్ర‌స్తుతం ఎన‌ర్జిటిక్ స్టార్ రామ్ హీరోగా పూరి జ‌గ‌న్నాథ్ `ఇస్మార్ట్ శంకర్‌` అనే చిత్రాన్ని రూపొందిస్తున్న సంగ‌తి తెలిసిందే. త‌న‌దైన శైళిలో పూరి జ‌గ‌న్నాథ్ రామ్ పాత్ర‌ను డిజైన్ చేశారు. ఇప్పుడు ఈ సినిమాకు సీక్వెల్ రూపొందనుంది. `ఇస్మార్ట్ శంక‌ర్` చిత్రక‌ర‌ణ ద‌శ‌లో ఉండ‌గానే పూరి జ‌గన్నాథ్‌, ఛార్మి `డబుల్ ఇస్మార్ట్‌` టైటిల్‌ను రిజిష్ట‌ర్ చేయించారు.

ప్ర‌స్తుతం `ఇస్మార్ట్ శంక‌ర్` హైద‌రాబాద్ పరిస‌ర ప్రాంతాల్లో శ‌ర‌వేగంగా చిత్రీక‌ర‌ణ‌ను జ‌రుపుకుంటుంది. రామ్ ఇందులో టిపిక‌ల్ హైద‌రాబాదీ కుర్రాడిగా మెప్పించ‌నున్నారు. త‌న పాత్రే సినిమాకు మెయిన్ హైలైట్‌కానుంది. నిధి అగ‌ర్వాల్‌, న‌భా న‌టేష్‌లు హీరోయిన్స్‌గా న‌టిస్తున్నారు. ఈ యాక్ష‌న్ ఎంట‌ర్‌టైన‌ర్‌ను స‌మ్మ‌ర్‌లో సినిమాను విడుద‌ల చేయ‌నున్నారు.