పూరి ఇజం రిలీజ్ డేట్ మారింది..!
- IndiaGlitz, [Monday,October 10 2016]
డేరింగ్ హీరో నంద‌మూరి క‌ళ్యాణ్ రామ్ - డాషింగ్ డైరెక్టర్ పూరి జ‌గ‌న్నాథ్ కాంబినేషన్లో రూపొందుతున్న భారీ చిత్రం ఇజం. ఈ చిత్రాన్ని ఎన్టీఆర్ ఆర్ట్స్ బ్యాన‌ర్ పై నంద‌మూరి క‌ళ్యాణ్ రామ్ నిర్మించారు. ఈ చిత్రంలో క‌ళ్యాణ్ రామ్ ప‌వ‌ర్ ఫుల్ జ‌ర్న‌లిస్ట్ గా న‌టించారు. అదితి ఆర్య హీరోయిన్ గా న‌టించిన ఈ చిత్రంలో జ‌గ‌ప‌తిబాబు కీల‌క పాత్ర పోషించారు.
అనూప్ రూబెన్స్ సంగీతం అందించిన ఇజం ఆడియోకు చాలా మంచి రెస్పాన్స్ ల‌భిస్తుంది. ఇదిలా ఉంటే...ఇజం చిత్రాన్ని ఈనెల 20న రిలీజ్ చేయ‌నున్న‌ట్టు గ‌తంలో ప్ర‌క‌టించారు. అయితే...ముందు అనుకున్న‌ట్టుగా ఈనెల 20న కాకుండా ఒక రోజు లేట్ గా ఈనెల 21న ఇజం చిత్రాన్ని ప్ర‌పంచ వ్యాప్తంగా రిలీజ్ చేయ‌నున్న‌ట్టు ఎన్టీఆర్ ఆర్ట్స్ సంస్థ ప్ర‌క‌టించింది. ఆడియో స‌క్సెస్ సాధించిన‌ట్టే....ఇజం మూవీ కూడా స‌క్సెస్ సాధిస్తుంద‌నే టాక్ ఉంది. మ‌రి...ఇజం ఏరేంజ్ స‌క్సెస్ సాధిస్తుందో చూద్దాం...!