தளபதி விஜய் நடிக்க இருக்கும் ’தளபதி 67’ படத்தின் தகவல்கள் ஒவ்வொன்றாக கசிந்து வருகின்றன என்பதும் ஒவ்வொரு தகவலும் தமிழ் திரையுலகமே ஆச்சரியப்படும் வகையில் இருக்கிறது என்பதும் குறிப்பிடத்தக்கது.

ஏற்கனவே இந்த படத்தில் சமந்தா, கீர்த்தி சுரேஷ் மற்றும் த்ரிஷா ஆகிய மூன்று முன்னணி நாயகிகள் நடிக்கவிருப்பதாக கூறப்பட்டது. அதுமட்டுமின்றி ஆக்சன் கிங் அர்ஜுன், சஞ்சய்தத், கௌதம்மேனன், பிரித்விராஜ் சுகுமாரன் உட்பட பலர் இந்த படத்தில் நடிக்க இருப்பதாக செய்திகள் வெளியானது.

இந்த நிலையில் தற்போது வந்த தகவலின்படி இந்த படத்தில் புரட்சி தளபதி விஷால் ஒரு முக்கிய கேரக்டரில் நடிக்க இருப்பதாக கூறப்படுகிறது. இந்த படத்தில் விஷால் வில்லனாக நடிக்கிறாரா? அல்லது தளபதி விஜய்க்கு கை கொடுக்கும் முக்கிய கேரக்டரில் நடிக்கிறாரா? என்பதை பொறுத்திருந்துதான் பார்க்கவேண்டும்.

விஜய் மற்றும் விஷால் இணைந்து ஒரே படத்தில் நடிப்பது உறுதி செய்யப்பட்டால் இந்த படம் தமிழ் திரை உலகின் மிகப்பெரிய எதிர்பார்ப்பை ஏற்படுத்தும் படமாக இருக்கும் என்பதில் சந்தேகமில்லை. இதுகுறித்து அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.

இந்த நிலையில் ’தளபதி 67’ படத்தின் படப்பிடிப்பு டிசம்பர் மாதம் தொடங்க இருப்பதாகவும் இந்த படத்திற்கான ஆரம்பகட்ட பணிகள் தற்போது நடைபெற்று வருவதாகவும் கூறப்படுகிறது.