நடிகர் விஷால் நடித்து வெளியான “ஆம்பள” திரைப்படத்தின் முதல் காட்சியிலேயே அவர் ஒரு காரின் முன்பக்கம் செம கெத்தாக அமர்ந்து மாஸ் எண்ட்ரி கொடுப்பார். இந்த மாஸ் எண்ட்ரி சினிமாவிற்கு நன்றாக இருக்கும். ஆனால் இதேபோல திருமணத்திற்கும் மாஸ் எண்ட்ரி கொடுக்க நினைத்து இருக்கிறார் புனேவை சேர்ந்த ஒரு மணப்பெண்.

இதற்காக திருமணக் கோலத்தில் அலங்காரம் செய்து கொண்ட அந்த மணப்பெண் காரின் முன்பக்கம் அமர்ந்து புகைப்படத்திற்கு போஸ் கொடுக்கிறார். அந்தக் கார் கொஞ்சம் கொஞ்சமாக நகர்கிறது. புகைப்பட கலைஞர் அதை வீடியோவாக பதிவு செய்து கொள்கிறார். இந்தக் காட்சி அனைத்தும் புனே நகரில் உள்ள சாஸ்வத் பகுதியில் நடந்தேறி இருக்கிறது.

இந்தக் காட்சிகளை சாலையில் சென்ற சிலர் மொபைல் வீடியோவாக பதிவு செய்து அதை சோஷியல் மீடியாவில் பதிவிட்டு உள்ளனர். இதனால் வைரலான இந்தச் சம்பவம் தற்போது காவல் துறையின் கண்களை எட்டியிருக்கிறது. உடனே மோட்டார் வாகனச் சட்டவிதிமீறல், பொது இடத்தில் மாஸ்க் அணியாமல் பாதுகாப்பு ஒழுங்குமுறை விதிமீறல் போன்ற வற்றின் அடிப்படையில் மணப்பெண் மீது நடவடிக்கை எடுக்கப்பட்டு உள்ளது. மேலும் புகைப்படக் கலைஞர் மீது நடவடிக்கை எடுக்கப்பட்டு உள்ளதாகக் கூறப்படுகிறது.

இதனால் திருமணத்திற்கு மாஸ் எண்ட்ரி கொடுக்க நினைத்து ஹெலிகாப்டர், பைக் ரேஸ் என முடிவெடுக்கும் இளசுகளே கொஞ்சம் பொறுமையைக் கடைப்பிடிப்பது நல்லது.