இளையதளபதி விஜய் நடித்து வரும் 'தளபதி 61' படத்தின் சென்னை படப்பிடிப்பு முடிவடைந்து விரைவில் ராஜஸ்தானில் அடுத்தகட்ட படப்பிடிப்பு தொடங்கவுள்ளது. இதனையடுத்து படக்குழுவினர் ஐரோப்பிய நாடுகளுக்கு செல்லவுள்ளனர். இந்த நிலையில் இந்த படத்தின் படப்பிடிப்பு இன்னும் பாதி கூட முடியாத நிலையில் தற்போதே இந்த படத்தின் வியாபாரம் குறித்த செய்திகள் வெளிவந்துள்ளது.

இந்த படத்தின் கேரள மாநில உரிமையை 'புலி' படத்தின் தயாரிப்பாளர்களில் ஒருவரான சிபுதமீன்ஸ் அவர்களின் தமீன் பிக்சர்ஸ் நிறுவனம் பெற்றுள்ளதாக கூறப்படுகிறது. விஜய்க்கு தமிழகத்தை போலவே கேரளாவிலும் மிகப்பெரிய ரசிகர்கள் கூட்டம் இருப்பதால் 'புலி' படத்தில் ஏற்பட்ட நஷ்டத்தை இந்த படத்தின் மூலம் சிபுதமீன்ஸ் ஈடுகட்டிவிடுவார் என்று எதிர்பார்க்கப்படுகிறது.

விஜய், காஜல் அகர்வால், சமந்தா, நித்யாமேனன், சத்யராஜ், எஸ்.ஜே.சூர்யா, வடிவேலு, சத்யன், கோவை சரளா உள்பட பலர் நடித்து வரும் இந்த படத்தை ஸ்ரீதேனாண்டாள் பிலிம்ஸ் நிறுவனம் பெரும் பொருட்செலவில் தயாரித்துவருகிறது. அட்லி இயக்கி வரும் இந்த படத்திற்கு ஏ.ஆர்.ரஹ்மான் இசையமைத்து வருகிறார்.