முன்னாள் அமெரிக்க அதிபர் டொனால்ட் டிரம்ப் அவர்களை அடிக்க விஜய் டிவி புகழ் கை ஓங்குவது குறித்த வீடியோ இன்ஸ்டாகிராமில் வைரல் ஆகி வருகிறது.

’குக் வித் கோமாளி’ உட்பட சில விஜய் டிவி நிகழ்ச்சிகள் மூலம் பிரபலமான புகழ் தற்போது சில திரைப்படங்களிலும் நடித்து வருகிறார் என்பதும் ஒரு படத்தில் அவர் ஹீரோவாகவும் நடித்து வருகிறார் என்பது தெரிந்தது.

இந்த நிலையில் சமீபத்தில் தொடங்கப்பட்ட ’மிஸ்டர் அண்ட் மிஸஸ் சின்னத்திரை’ நிகழ்ச்சியில் புகழ் தனது மனைவியுடன் கலந்து கொள்வார் என்று எதிர்பார்க்கப்பட்ட நிலையில் அவர் அந்த நிகழ்ச்சியில் கலந்து கொள்ளாதது ரசிகர்களுக்கு அதிருப்தியை ஏற்படுத்தியது.

இந்த நிலையில் இன்ஸ்டாகிராமில் ஆக்டிவாக இருக்கும் புகழ் அவ்வப்போது ரீல்ஸ் வீடியோக்களை வெளியிட்டு வரும் நிலையில் தற்போது அவர் முன்னாள் அமெரிக்க ஜனாதிபதி டொனால்ட் டிரம்ப் பொம்மை நாற்காலியில் உட்கார்ந்து இருக்கும் நிலையில் அவரிடம் சண்டை போடுவது போன்ற வீடியோவை புகழ் வெளியிட்டுள்ளார்.

உங்களுக்கும் எனக்கும் இனி பிசினஸ் பார்ட்னராக இருப்பது சரியா வராது, எனக்கு செட்டில் செய்து அனுப்பி விடுங்கள், என்னுடைய நம்பரையும் பிளாக் செய்து விடுங்கள் என்று டொனால்ட் டிரம்ப் பொம்மையுடன் புகழ் பேசும் காட்சிகளும் ஒரு கட்டத்தில் அவர் டொனால்ட் பொம்மையை அடிக்க கை ஓங்கும் காட்சியும் உள்ளன.

காமெடியாக இந்த காட்சி உருவாக்கப்பட்டாலும் அமெரிக்க முன்னாள் ஜனாதிபதியை இப்படி இழிவுபடுத்தும் வகையில் செய்யலாமா என்று நெட்டிசன்கள் கடுமையாக விமர்சனம் செய்து வருகின்றனர்.

View this post on Instagram

A post shared by Vijay Tv Pugazh (@vijaytvpugazh)