நடிகர் யோகிபாபு சமீபத்தில் புதுவை முதலமைச்சர் ரங்கசாமி அவர்களை சந்தித்தபோது முதலமைச்சர் ரங்கசாமி அவருக்கு விபூதி பூசி ஆசி தெரிவித்தார்.

தமிழ் திரை உலகின் முன்னணி காமெடி நடிகர்களில் ஒருவர் யோகிபாபு என்பதும் சில படங்களில் அவர் ஹீரோவாகவும் நடித்து வருகிறார் என்பதும் தெரிந்ததே.

இந்த நிலையில் புதுச்சேரி அரியாங்குப்பத்தில் உள்ள கோவில் திருவிழா ஒன்றில் யோகி பாபு கலந்து கொண்டார். அதன் பிறகு அவர் மரியாதை நிமித்தமாக முதலமைச்சர் ரங்கசாமி அவர்களை சந்தித்தார்.

இந்த சந்திப்பின்போது யோகி பாபுவுக்கு சால்வை அணிவித்து வரவேற்ற முதலமைச்சர் உடன் யோகி பாபு சில நிமிடங்கள் பேசிக் கொண்டிருந்தார். இதனை அடுத்து யோகி பாபுவின் நெற்றியில் விபூதி பூசி முதல்வர் ரங்கசாமி ஆசீர்வாதம் செய்தார்.

அதன் பின்னர் முதலமைச்சரிடம் நன்றி தெரிவித்துக் கொண்டு அவரை வணங்கி விட்டு அங்கிருந்து யோகி பாபு புறப்பட்டு சென்றார் இதுகுறித்த வீடியோ இணையத்தில் வைரல் ஆகி வருகிறது.

ஏற்கனவே புதுவையில் படப்பிடிப்பு காரணமாக செல்லும் நடிகர்கள் பலர் புதுவை முதலமைச்சரை நேரில் சந்தித்து ஆசி பெற்றுள்ளனர் என்பது குறிப்பிடத்தக்கது.