రచ్చకెక్కిన దాస‌రి త‌న‌యుల ఆస్థి గొడ‌వ
- IndiaGlitz, [Friday,June 26 2020]
సీనియ‌ర్ దివంగ‌త ద‌ర్శ‌కుడు డా.దాస‌రి నారాయ‌ణ‌రావు త‌న‌యుల మ‌ధ్య ఆస్థి గొడ‌వ‌లు రేగాయి. దాస‌రి పెద్ద కొడుకు ప్ర‌భు, చిన్న కొడుకు అరుణ్ కుమార్‌పై జూబ్లీహిల్స్‌ పోలీసుల‌కు ఫిర్యాదు చేశారు. దాస‌రి అరుణ్ కుమార్ బుధ‌వారం రాత్రి త‌మ ఇంటిలోకి వ‌చ్చి దాడి చేశాడంటూ ఫిర్యాదులో పేర్కొన్నారు. ఇంట్లోకి గోడ దూకి వ‌చ్చిన అరుణ్ కుమార్ త‌మ తండ్రి బీరువాను తెరిచే ప్ర‌య‌త్నాన్ని చేశాడ‌ని ప్ర‌భు తెలిపారు.
మ‌ద్యం తాగి వ‌చ్చిన అరుణ్‌కుమార్ త‌మ కుటుంబ స‌భ్యుల‌పై దాడి చేసే ప్ర‌య‌త్నం చేశాడ‌ని, అరుణ్‌పై వెంట‌నే చ‌ర్య‌లు తీసుకోవాల‌ని కోరారు. సినీ ప్ర‌ముఖులైన మోహ‌న్‌బాబు, ముర‌ళీమోహ‌న్‌, సి.క‌ల్యాణ్ త‌దిత‌రులు వెంట‌నే స్పందించాల‌ని ప్ర‌భు తెలిపారు. తాము ఇప్పుడు ఉంటున్న ఇంటిని త‌న తండ్రి దాస‌రి త‌న కుమార్తె పేరు మీద రాశార‌ని వీలునామా ప్ర‌కార‌మే తాము ఇంటిలో ఉన్నామ‌ని ప్ర‌భు ఈ సంద‌ర్భంగా తెలిపారు. అయితే నెటిజ‌న్స్ మాత్రం ఆయ‌న త‌న‌యుల‌పై మండిప‌డుతున్నారు. ఇండ‌స్ట్రీకి పెద్ద‌న్న‌లా వ్య‌వ‌హ‌రించిన దాస‌రి నారాయ‌ణ‌రావు ప‌రువుని జ‌జారుని పెడుతున్నారంటూ నెటిజ‌న్స్ విమ‌ర్శ‌లు చేస్తున్నారు.