ప్ర‌మోష‌న్స్ లో పెను సంచ‌ల‌నం క‌బాలి
- IndiaGlitz, [Friday,July 15 2016]
సూప‌ర్ స్టార్ ర‌జ‌నీకాంత్ న‌టించిన సంచ‌ల‌న చిత్రం క‌బాలి. ఈ చిత్రాన్ని యువ దర్శకుడు రంజిత్ తెర‌కెక్కించారు. క‌బాలి రిలీజ్ కాకుండానే రోజుకో విశేషం బ‌య‌ట‌కు వ‌స్తూ వార్త‌ల్లో నిలుస్తూ...అంద‌రికీ ఆశ్చ‌ర్యం క‌లిగిస్తుంది. తాజాగా క‌బాలి కేర‌ళ‌కు సంబంధించిన ముత్తూట్ ఫైనాన్స్ తో ఒప్పందం కుదుర్చుకుంది. ర‌జ‌నీకాంత్ బొమ్మ‌ను వెండి నాణేల పై ముద్రించి దేశంలో ఉన్న ముత్తూట్ ఫైనాన్స్ బ్రాంచీల‌కు స‌ర‌ఫ‌రా చేస్తుంది. 5 గ్రాములు, 10 గ్రాములు 20 గ్రాములు వెండి నాణేల పై ర‌జ‌నీ బొమ్మ‌ను ముద్రించారు.
శుక్ర‌వారం నుంచి ఈ ర‌జ‌నీ నాణులు కావాల్సి వాళ్లు బుక్ చేసుకోవ‌చ్చు అయితే క‌బాలి రిలీజ్ త‌ర్వాతే ఈ నాణేలు పంపిణీ చేస్తార‌ట. ముత్తూట్ ఫైనాన్స్ తో పాటు క‌బాలి 5 స్టార్ తో కూడా ఒప్పందం కుదుర్చుకుంది. క‌బాలి ప్ర‌మోష‌న్స్ లో భాగంగా 5 స్టార్ కంపెనీ క‌బాలి యాడ్ ను కూడా ఇటీవ‌ల రిలీజ్ చేసింది. ఇలా...రిలీజ్ కు ముందే క‌బాలి పెను సంచ‌ల‌నం సృష్టిస్తుండ‌డం విశేషం.