టాలీవుడ్ స్టార్ హీరోలు వారి సినిమాల ప్ర‌మోష‌న్స్ విష‌యంలో ప‌రిమితంగానే ఉంటారు. ముఖ్యంగా ప్ర‌భాస్ వంటి సిగ్గ‌రి అయితే మ‌రి ఎక్కువ లిమిటేష‌న్స్ పెట్టుకుని ఉంటాడు. అయితే ఆయ‌న త‌న త‌దుప‌రి సినిమా `సాహో` విష‌యంలో మాత్రం ఆలోచ‌న మానుకున్నాడ‌ట‌. ఎందుకంటే సినిమాను భారీ బ‌డ్జెట్‌లో తీయ‌డంతో పాటు తెలుగుతో పాటు త‌మిళ్‌, క‌న్న‌డ‌, మ‌ల‌యాళ‌, హిందీ భాష‌ల్లో సినిమాను విడుద‌ల చేయాల‌నుకుంటున్నారు. కాబ‌ట్టి సినిమా రీచ్ ఎంత ఎక్కువ‌గా ఉంటేనే బ‌డ్జెట్ ప‌రంగా వ‌ర్క‌వుట్ అవుతుంది. కాబ‌ట్టి ప్ర‌భాస్ ఇండియా వైడ్ ప్ర‌మోషన్స్‌లో పాల్గొన‌డానికి సిద్ధంగా ఉన్నార‌ట‌.

సుజీత్ ద‌ర్శ‌క‌త్వంలో ప్ర‌భాస్‌, శ్ర‌ద్ధాక‌పూర్ హీరో హీరోయిన్లుగా న‌టించిన ఈ సినిమా ఆగ‌స్ట్ 30న విడుద‌ల కానుంది. ప్ర‌స్తుతం నిర్మాణాంత‌ర కార్య‌క్ర‌మాలు శ‌ర‌వేగంగా జ‌రుగుతున్నాయి. నీల్ నితిన్, చంకీ పాండే, జాకీ ష్రాఫ్‌, మందిరా బేడి వంటి బాలీవుడ్ తారాగ‌ణంగా న‌టించిన ఈ చిత్రం కోసం బాలీవుడ్ టెక్నీషియ‌న్స్‌, హాలీవుడ్ టెక్నీషియ‌న్స్ వ‌ర్క్ చేస్తున్నారు.