రెబల్‌స్టార్ ప్ర‌భాస్ హీరోగా రూపొందుతోన్న చిత్రం ‘రాధేశ్యామ్’. ఈ సినిమా చిత్రీక‌ర‌ణ తుది ద‌శ‌కు చేరుకుంది. ఈ సినిమా త‌ర్వాత ప్ర‌భాస్ త‌దుప‌రి చిత్రంగా ‘స‌లార్‌’ షూటింగ్‌ను జ‌న‌వ‌రి 18 నుంచి స్టార్ట్ చేయ‌డానికి రెడీ అయ్యాడు. మ‌రి రాధేశ్యామ్ విడుద‌లపై నిర్మాత‌లు ఎలాంటి నిర్ణ‌యం తీసుకున్నారో ఇప్ప‌టికీ వ‌ర‌కు ఎలాంటి ఊసూ లేదు. అయితే లేటెస్ట్ స‌మాచారం మేర‌కు సినిమాను వ‌చ్చే ఏడాది జూన్‌లో విడుద‌ల చేయాల‌ని మేక‌ర్స్ భావిస్తున్నార‌ట‌. ప్యాన్ ఇండియా సినిమా కాబ‌ట్టి అన్నీ భాష‌లకు సంబంధించిన డిస్ట్రిబ్యూట‌ర్స్‌తో డిస్క‌స్ చేసి నిర్ణ‌యం తీసుకోవాల్సి ఉంటుంది. కాబ‌ట్టి జూన్ అయితే చ‌క్క‌గా ఉంటుంద‌ని అంద‌రూ అనుకుంటున్నార‌ట‌. త్వ‌ర‌లోనే రిలీజ్ డేట్‌పై కూడా ఓ నిర్ణ‌యానికి వ‌చ్చే అవ‌కాశం ఉంద‌ని స‌మాచారం.

పీరియాడిక్ ల‌వ్‌స్టోరీగా రూపొందుతోన్న ఈ చిత్రంలో పూజా హెగ్డే హీరోయిన్‌. ‘జిల్’ ఫేమ్ రాధాకృష్ణ‌కుమార్ ద‌ర్శ‌కుడిగా కృష్ణంరాజు స‌మ‌ర్ప‌ణ‌లో గోపీకృష్ణామూవీస్, యువీ క్రియేషన్స్ బ్యాన‌ర్స్‌పై వంశీ, ప్ర‌మోద్‌, ప్ర‌శీద ఈ చిత్రాన్ని నిర్మిస్తున్నారు. తెలుగు, త‌మిళ‌, హిందీ భాష‌ల్లో ప్యాన్ ఇండియా చిత్రంగా వ‌చ్చే ఏడాది వేస‌విలో చిత్రాన్ని విడుద‌ల చేయ‌డానికి మేక‌ర్స్‌ స‌న్నాహాలు చేస్తున్నారు.