கார்த்தியின் 'கைதி 2' உருவாகுமா? தயாரிப்பாளர் எஸ்.ஆர்.பிரபு தகவல்!
- IndiaGlitz, [Tuesday,May 25 2021]
கார்த்தி நடிப்பில் இயக்குனர் லோகேஷ் கனகராஜ் இயக்கத்தில் உருவாக்கிய ’கைதி’ திரைப்படம் கடந்த 2019ஆம் ஆண்டு தீபாவளி தினத்தில் வெளியானது. விஜய்யின் ’பிகில்’ திரைப்படம் வெளியான தினத்தில் தான் இந்த படமும் வெளியானது என்றாலும் இந்த படம் 24 கோடி ரூபாய் பட்ஜெட்டில் தயாராகி 105 கோடி ரூபாய் வசூல் செய்து மிகப்பெரிய லாபத்தை பெற்றது என்பது குறிப்பிடத்தக்கது
இந்த நிலையில் ‘கைதி 2’ படம் குறித்த தகவல்கள் அவ்வப்போது வெளிவந்து கொண்டிருக்கின்றன. ஏற்கனவே இயக்குனர் லோகேஷ் கனகராஜ் ‘கைதி 2’ நிச்சயம் உருவாகும் என்றும் தெரிவித்திருந்தார். இந்த நிலையில் இதுகுறித்து தயாரிப்பாளர் எஸ்ஆர் பிரபு அவர்கள் கூறியபோது ‘கைதி 2’ படம் நிச்சயம் உருவாகும் என்றும் அதற்கான பணிகள் நடைபெற்று வருவதாகவும் தெரிவித்துள்ளார்
கார்த்தி தற்போது மணிரத்னம் இயக்கிவரும் ’பொன்னியின் செல்வன்’ திரைப்படத்தில் நடித்துக் கொண்டிருக்கிறார். அதேபோல் கமல்ஹாசன் நடிக்கும் ’விக்ரம்’ திரைப்படத்தை லோகேஷ் கனகராஜ் இயக்கவுள்ளார். இந்த இரண்டு படங்களும் முடிந்தவுடன் மீண்டும் கார்த்தி மற்றும் லோகேஷ் கனகராஜ் ‘கைதி 2’ படத்திற்காக இணைவார்கள் என்று எதிர்பார்க்கப்படுகிறது.