మెగా ప‌వ‌ర్ స్టార్ రామ్ చ‌ర‌ణ్ హీరోగా రూపొందుతున్న తాజా చిత్రం బ్రూస్ లీ. ఈచిత్రాన్ని శ్రీను వైట్ల తెర‌కెక్కిస్తున్నారు.ఈ సినిమాని దాన‌య్య ప్ర‌తిష్టాత్మ‌కంగా నిర్మిస్తున్నారు. ఈ చిత్రంలో మెగాస్టార్ ఓ ముఖ్యపాత్ర పోషిస్తున్నారు. దాదాపు 20 నిమిషాలు క‌నిపించి క‌నువిందు చేయ‌నున్నార‌ట చిరు. దీంతో బ్రూస్ లీ చిత్రం పై భారీ అంచ‌నాలు ఏర్ప‌డ్డాయి.

ఈ సినిమాలో రామ్ చ‌ర‌ణ్ స‌ర‌స‌న ర‌కుల్ ప్రీత్ సింగ్ న‌టిస్తుంది. ఈ చిత్రానికి త‌మ‌న్ సంగీతాన్ని అందిస్తున్నారు. బ్రూస్ లీ ఆడియో రిలీజ్ ను ఈనెల 26న చేయ‌నున్న‌ట్టు ప్రచారం జ‌రిగింది. కానీ..తాజాగా అందిన స‌మాచారం అక్టోబ‌ర్ 2న బ్రూస్ లీ ఆడియో రిలీజ్ ప్లాన్ చేస్తున్నారు. ఈ విష‌యాన్ని మ్యూజిక్ డైరెక్ట‌ర్ త‌మ‌న్ ట్విట్ట‌ర్ ద్వారా క‌న్ ఫ‌ర్మ్ చేసారు. మెగా హీరోలు పాల్గొనే ఈ ఆడియో వేడుక‌ను చాలా గ్రాండ్ గా..వెరైటీగా ఉండేలా ప్లాన్ చేస్తున్నార‌ని స‌మాచారం. బ్రూస్ లీ చిత్రాన్ని ద‌స‌రా కానుక‌గా అక్టోబ‌ర్ 16న రిలీజ్ చేయ‌నున్నారు.