தமிழ் திரையுலகின் முன்னணி இயக்குனர்களில் ஒருவரான மிஷ்கினின் சகோதரர் ஆதித்யா கடந்த 2018 ஆம் ஆண்டு ’சவரக்கத்தி’ என்ற திரைப்படத்தை இயக்கினார். அதன்பின் அவர் ’கண்ணாமூச்சி’ என்ற வெப்தொடரை இயக்கிய நிலையில் தற்போது ஆதித்யா இயக்கும் புதிய படம் குறித்த அறிவிப்பு வெளியாகி உள்ளது.

‘பிதா’ என்ற டைட்டில் வைக்கப்பட்டுள்ள இந்த படத்தை மிஸ்கின் தயாரிக்க உள்ளார். இந்த படத்தில் பிரபல தயாரிப்பாளர் மதியழகன் நாயகனாக அறிமுகம் ஆகிறார் என்பது குறிப்பிடத்தக்கது. இவர் ஏற்கனவே அருண் விஜய்யின் ’பாக்ஸர்’படத்தில் வில்லனாக நடித்து வருகிறார் என்பது குறிப்பிடத்தக்கது

இந்த படத்தில் அனுகீர்த்தி என்பவர் நாயகியாக அறிமுகமாகிறார். இவர் ஃபெமினா மிஸ் இந்தியா வேர்ல்ட் சாம்பியன் பட்டம் பெற்றவர் என்பது குறிப்பிடத்தக்கது. மேலும் இந்த படத்தில் கலையரசன், ரமேஷ் திலக் உள்ளிட்ட பலர் நடிக்கவுள்ளனர்.

இந்த படத்தின் கதையானது மகளை தொலைத்துவிட்ட தந்தையின் தேடுதல் தான் என்பது குறிப்பிடத்தக்கது. இந்த படத்தில் மதியழகன் மகளாக நடிக்கும் கேரக்டரின் தேர்வு நடைபெற்று வருவதாகவும் விரைவில் இதுகுறித்த அறிவிப்பு வெளியாகும் என்றும் கூறப்படுகிறது. மகளை தொலைத்த தந்தையின் தேடும் கதை தமிழில் ’மகாநதி’ உள்பட பல திரைப்படங்கள் வெளிவந்துள்ளன நிலையில் இந்த படம் அவற்றிலிருந்து எந்த வகையில் வேறுபட்டது என்பதை பொறுத்திருந்து பார்ப்போம்.