ప్రేక్షకులు ఎన్ని అంచనాల తో వచ్చినా ఏ మాత్రం నిరాశ పరచదు సింగం 3 - నిర్మాత శివకుమార్
- IndiaGlitz, [Wednesday,January 18 2017]
విభిన్న క‌థా చిత్రాల్లో న‌టిస్తూ... తమిళంతో పాటు తెలుగులో కూడా స్టార్ ఇమేజ్ సంపాందించుకున్నసూర్య హీరోగా నటించిన తాజా చిత్రం ఎస్ 3. ఈ చిత్రంలో సూర్య స‌ర‌స‌న అనుష్క, శ్రుతిహ‌స‌న్‌ న‌టించారు. తెలుగు, తమిళ భాషల్లో రూపొందిన ఈ చిత్రానికి హ‌రి ద‌ర్శ‌క‌త్వం వ‌హించారు. సింగం సిరీస్‌లో భాగంగా రూపొందిన ఎస్ 3 చిత్రాన్నిస్టూడియో గ్రీన్‌ పతాకంపై కె.ఇ.జ్ఞానవేల్‌రాజా నిర్మించారు. ఈ చిత్రాన్ని సురక్ష్ ఎంటర్‌టైన్‌మెంట్స్ అధినేత మల్కాపురం శివకుమార్ తెలుగు ప్రేక్ష‌కుల‌కు అందిస్తున్నారు. ఈ నెల 26న సింగం 3 చిత్రాన్ని ప్ర‌పంచ వ్యాప్తంగా దాదాపు 1000 ధియేట‌ర్స్ లో రిలీజ్ చేస్తున్నారు.
ఈ సంద‌ర్భంగా ఏర్పాటు చేసిన మీడియా మీట్ లో నిర్మాత మల్కాపురం శివ కుమార్ మాట్లాడుతూ... సింగం 3 టీజ‌ర్ కి సుమారు కోటి వ్యూస్ వ‌చ్చాయి. సౌతిండియాలో క‌బాలి తర్వాత కోటి వ్యూస్ వ‌చ్చిన ట్రైల‌ర్ గా సింగం 3 రికార్డ్ క్రియేట్ చేసింది. సింగం, సింగం 2 చిత్రాలు ఘ‌న విజ‌యాలు సాదించ‌డంతో సింగం 3 పై ఆడియోన్స్ లో భారీ అంచ‌నాలు ఉన్నాయి. ఆ అంచనాల‌కు త‌గ్గ‌ట్టు హ‌రి ఈ చిత్రాన్ని తెర‌కెక్కించారు. హీరో సూర్య న‌ట‌న‌తో పాటు హీరోయిన్స్ అనుష్క, శృతిహాస‌న్ పాత్ర‌లు కూడా ప్రేక్ష‌కుల‌ను ఆక‌ట్టుకుంటాయి. ఆడియో ఇప్ప‌టికే హిట్ అయి టాప్ 10లో మూడ‌వ స్ధానంలో నిలిచింది. ఇక డైరెక్టర్ హ‌రి గురించి చెప్పాలంటే...ఆయ‌న స్ర్కీన్ ప్లే ఎంత స్పీడుగా ఉంటుందో తెలిసిందే. ఈ సినిమాలో కూడా ఎక్క‌డా బోర్ కొట్ట‌కుండా రేసీ స్ర్కీన్ ప్లేతో ఈ సినిమా ఉంటుంది.
ఈ భారీ యాక్ష‌న్ ఎంట‌ర్ టైన‌ర్ ని డిసెంబ‌ర్ లో రిలీజ్ చేయాలి అనుకున్నాం కానీ కుద‌ర‌లేదు. ఈ చిత్రాన్ని తెలుగులో నేను రిలీజ్ చేయ‌డం లేదు అంటూ వార్త‌లు వ‌చ్చాయి. అవ‌న్నీ గాసిప్స్ మాత్రమే. ఈ నెల 26న ప్ర‌పంచ వ్యాప్తంగా దాదాపు 1000 ధియేట‌ర్స్ లో ఈ చిత్రాన్ని రిలీజ్ చేస్తున్నాం. ప్రేక్షకులు ఎలాంటి అంచ‌నాల‌తో వచ్చినా ఏమాత్రం నిరాశ పరచదు. గ‌త సంవ‌త్స‌రం సంక్రాంతికి రిలీజైన సినిమాల‌ను ప్రేక్షకులు ఆద‌రించారు. ఈ సంవ‌త్స‌రం సంక్రాంతికి రిలీజైన సినిమాల‌ను కూడా ఆద‌రించ‌డం ఇండ‌స్ట్రీకి ఓ పండ‌గ లాంటిది. మంచి సినిమాల‌ను తెలుగు ప్రేక్షకులు ఎప్పుడూ ఆద‌రిస్తారు. మా సింగం 3 చిత్రాన్ని కూడా ఆద‌రించి విజ‌యం అందిస్తార‌ని ఆశిస్తున్నాను అన్నారు.