అజిత్ మూవీపై క్లారిటీ ఇచ్చేసిన నిర్మాత
- IndiaGlitz, [Sunday,October 21 2018]
అజిత్ హీరోగా శివ దర్శకత్వంలో నాలుగో సినిమాగా విశ్వాసం తెర‌కెక్క‌నున్న సంగ‌తి తెలిసిందే. 'వీరం, వేదాళం, వివేకం' సినిమాల త‌ర్వాత అజిత్, శివ కాంబినేష‌న్‌లో రానున్న సినిమా. అజిత్ ద్విపాత్రాభిన‌యం చేయ‌నున్న ఈ సినిమాకు సంబంధించిన చిత్రీక‌ర‌ణ శ‌ర‌వేగంగా జ‌రుగుతుంది. ఈ సినిమా ఫ‌స్ట్‌లుక్‌ను ఇటీవ‌లే విడుద‌ల చేశారు. ఇందులో అజిత్ ద్విపాత్రాభిన‌యం చేస్తున్న సంగ‌తిని తెలిపారు.
ఇందులో న‌య‌న‌తార హీరోయిన్‌గా న‌టిస్తుంది. ఈసినిమాను సంక్రాంతికి విడుద‌ల చేస్తార‌ని వార్త‌లు వ‌చ్చాయి. అయితే ర‌జ‌నీకాంత్ లేటెస్ట్ సినిమా 'పేట్ట' సంక్రాంతికి విడుద‌ల‌వుతుంది. కాబ‌ట్టి అజిత్ సినిమా వాయిదా ప‌డే అవ‌కాశాలున్నాయ‌ని వార్త‌లు వ‌చ్చాయి. అయితే దీనిపై అజిత్ సినిమా నిర్మాణ సంస్థ స‌త్య‌జ్యోతి ఫిలింస్ క్లారిటీ ఇచ్చింది. అజిత్ 'విశ్వాసం' సంక్రాంతికి విడుద‌ల కావ‌డం ఖాయ‌మ‌ని ప్ర‌క‌టించింది. దీంతో వ‌చ్చే సంక్రాంతికి బాక్సాఫీస్ వ‌ద్ద పెద్ద పండుగే అని చెప్ప‌డంలో సందేహం లేదు.