నంద‌మూరి న‌టసింహం బాల‌కృష్ణ న‌టవార‌సుడు మోక్ష‌జ్ఞ సినీరంగ ప్ర‌వేశం గురించి గ‌త కొన్ని రోజులుగా వార్త‌లు వ‌స్తున్నాయి. కానీ... సినిమా ఎప్పుడు ప్రారంభిస్తారు..? ద‌ర్శ‌కుడు ఎవ‌రు..? ఏ బ్యాన‌ర్ లో ఈ సినిమా ఉంటుంది అనేది అఫిషియ‌ల్ గా ఇప్ప‌టివ‌ర‌కు ప్ర‌క‌టించ‌లేదు. అయితే...మోక్ష‌జ్ఞ తొలి చిత్రం గురించి ఓ న్యూస్ బ‌య‌ట‌కు వ‌చ్చింది. అది ఏమిటంటే...గౌత‌మీపుత్ర శాత‌క‌ర్ణి చిత్రాన్ని వైజాగ్, సీడెడ్ ఏరియాల్లో నిర్మాత సాయి కొర్ర‌పాటి డిస్ట్రిబ్యూట్ చేసారు. శాత‌క‌ర్ణి అన్ని ఏరియాల్లో స‌క్సెస్ ఫుల్ గా ర‌న్ అవుతుంది.

ఈ సంద‌ర్భంగా సాయి కొర్ర‌పాటి మీడియాతో మాట్లాడుతూ...మోక్ష‌జ్ఞ తొలి చిత్రాన్ని నిర్మించే అవ‌కాశాన్ని ఇస్తాన‌ని బాల‌కృష్ణ గారు నాకు మాట ఇచ్చారు. అందుచేత మోక్షజ్ఞ ఫ‌స్ట్ మూవీ మా వారాహి చ‌ల‌న‌చిత్ర బ్యాన‌ర్ లోనే ఉంటుంది అని తెలియ‌చేసారు. ఇటీవ‌ల బాల‌య్య‌ను కూడా మోక్ష‌జ్ఞ సినిమా ఎప్పుడు ఉంటుంది అని అడిగితే ఇంకా టైమ్ ఉంది. త‌ర్వాత చెబుతాను అన్నారు. మ‌రి...త్వ‌ర‌లోనే మోక్ష‌జ్ఞ ఎంట్రీ గురించి ఎనౌన్స్ చేస్తారేమో చూడాలి..!