హిట్ చిత్రాల నిర్మాత‌గా పేరున్న దిల్‌రాజు వ‌రుస సినిమాల‌ను నిర్మిస్తూ బిజీగా ఉన్నారు. ఒక‌వైపు స్టార్ హీరోల‌తో మల్టీస్టార‌ర్ సినిమాలు చేస్తూనే.. మ‌రో వైపు యువ క‌థానాయ‌కుల‌తో సినిమాలు చేస్తున్నారు. దిల్‌రాజు బ్యాన‌ర్లో లాంచ్ కాబోతున్న హీరో గ‌ల్లా అశోక్‌. పార్ల‌మెంట్ స‌భ్యుడు గ‌ల్లా జ‌య‌దేవ్ త‌న‌యుడు.. సూప‌ర్‌స్టార్ మ‌హేశ్ మేన‌ల్లుడే గ‌ల్లా అశోక్‌.

ఈ డెబ్యూ హీరోతో `ఆడు మ‌గాడ్రాబుజ్జి` ద‌ర్శ‌కుడు కృష్ణారెడ్డి ద‌ర్శ‌క‌త్వంలో సినిమా చేస్తున్నాడు. అయితే ఇప్పుడు దిల్‌రాజు డైరెక్ట‌ర్‌ని మార్చేస్తున్నాడు. కృష్ణారెడ్డి ప్లేస్‌లో శ‌శి అనే కొత్త ద‌ర్శ‌కుడిని తీసుకున్నాడ‌ట దిల్‌రాజు. అవుట్‌పుట్ విష‌యంలో శ‌శి ఇచ్చిన ఇన్‌పుట్స్ దిల్‌రాజుకి న‌చ్చ‌డ‌మే అందుకు కార‌ణ‌మ‌ని ఫిలిమ్ న‌గ‌ర్ వ‌ర్గాల స‌మాచారం.