'விஜய் 60' படத்தின் தயாரிப்பாளர் ஏ.எம்.ரத்னம்?
- IndiaGlitz, [Saturday,October 03 2015]
அஜீத், ஸ்ருதிஹாசன், லட்சுமி மேனன் நடிப்பில் ஏ.எம்.தயாரித்து வரும் 'வேதாளம்' திரைப்படம் இன்னும் ஓரிருநாட்களில் படப்பிடிப்பு முடியுந்தருவாயில் உள்ளது. இந்த படத்தை வரும் தீபாவளி தினத்தில் வெளியிட தயாரிப்பாளர் ஏ.எம்.ரத்னம் திட்டமிட்டுள்ளார். இந்நிலையில் ஏ.எம்.ரத்னம் தயாரிக்கவுள்ள அடுத்த படம் குறித்த தகவல்கள் வெளிவந்துள்ளது.
'வேதாளம்' படத்தை அடுத்து ஏ.எம்.ரத்னம் தயாரிக்கவுள்ள அடுத்த படத்தில் விஜய் நடிக்கவுள்ளதாகவும், இதற்கான ஒப்பந்தம் கையெழுத்தாகிவிட்டதாகவும் கூறப்படுகிறது. விஜய்-ஏ.எம்.ரத்னம் இணைந்துள்ள 'விஜய் 60' படத்தின் இயக்குனர், மற்றும் மற்ற நடிகர்கள், டெக்னீஷியன்கள் குறித்த அறிவிப்பு விரைவில் வெளிவரும் என கூறப்படுகிறது.
ஏ.எம்.ரத்னம் ஏற்கனவே விஜய் நடித்த சூப்பர் ஹிட் படங்களான 'குஷி', 'கில்லி' மற்றும் 'சிவகாசி' ஆகிய படங்களை தயாரித்தவர் என்பது குறிப்பிடத்தக்கது. விஜய், ஏ.எம்.ரத்னம் மீண்டும் இணையவுள்ள 'விஜய் 60' படமும் மேற்கண்ட படங்களைபோல் வெற்றியடையும் என எதிர்பார்க்கப்படுகிறது.