பாலிவுட் சினிமாவின் முன்னணி நடிகையாக வலம்வரும் பிரியங்கா சோப்ரா திருமணத்திற்குப் பிறகு உலகப் பிரபலமாக மாறிவருகிறார். இதனால் அவருடைய ஒவ்வொரு அசைவுகளும் தற்போது மீடியாக்களில் பேசப்பட்டு வருகிறது. அந்த வகையில் தீபாவளி பண்டிகையின்போது அவர் செய்த ஒரு செயலை நெட்டிசன்ஸ் தற்போது கொண்டாடி தீர்த்து வருவதும் குறிப்பிடத்தக்கது.

உலக அழகியான பிரியங்கா சோப்ரா தமிழில் தளபதி விஜய் நடிப்பில் வெளியான “தமிழன்“ திரைப்படத்தின் மூலம் சினிமாவிற்கு அறிமுகமானார். அதைத்தொடர்ந்து பாலிவுட் சினிமாவில் முன்னணி நடிகையாக வலம்வந்த இவர் “குவாண்டிகோ“ வெப் சீரிஸில் நடித்து ஹாலிவுட்டிலும் அடியெடுத்து வைத்தார். தற்போது ஹாலிவுட்டில் தொடர்ந்து கவனம் செலுத்தி வரும் இவர் “மேட்ரிக்ஸ் 4“ திரைப்படத்தில் நடித்து முடித்துள்ளார்.

இந்நிலையில் நிக் ஜோனாஸுடன் லாஸ் ஏஞ்சல்ஸ் நகரில் வசித்துவரும் நடிகை பிரியங்கா சோப்ரா கடந்த ஆண்டு தீபாவளி பண்டிகையின்போது தனது வீட்டில் லட்சுமி பூஜை நடத்தியுள்ளார். அந்தப் பூஜையில் அவருடைய சமையல்காரர் சாமி உடேலுடன் இணைந்து நடிகை பிரியங்கா ஆரத்தி எடுத்து வழிபாடு நடத்துகிறார். அவருடைய கணவர் நிக் ஜோனாஸ் பின்னால் நின்று கைத்தட்டி அதை வரவேற்கிறார். இதுகுறித்த வீடியோதான் தற்போது வைரலாகி வருகிறது.

கடந்த நவம்பரில் வெளியான இந்த வீடியோவை தற்போது பார்த்த நெட்டிசன்ஸ் சமையல்காரருக்கு மதிப்பு கொடுக்கும் பிரியங்காவை பாராட்டித் தள்ளி வருகின்றனர். மேலும் இந்தியக் கலாச்சாரத்தின் நடிகை பிரியங்கா வைத்திருக்கும் ஆர்வத்தையும் பாராட்டி வருகின்றனர்.

View this post on Instagram

A post shared by Jerry x Mimi ?? (@jerryxmimi)