பிரதமர் மோடியை தற்செயலாக ஜெர்மனியில் சந்தித்த பிரபல நடிகை
- IndiaGlitz, [Tuesday,May 30 2017]
பாரத பிரதமர் நரேந்திரமோடி நான்கு நாள் அரசுமுறை சுற்றுப்பயணமாக ஜெர்மனி, ரஷ்யா, பிரான்ஸ் மற்றும் ஸ்பெயின் ஆகிய நாடுகளுக்கு நேற்று கிளம்பினார். இன்று காலை ஜெர்மனி தலைநகர் பெர்லின் நகரை அடைந்த அவர் ஜெர்மனி அதிபர் ஏஞ்சலா மெர்க்கில் உள்பட பல தலைவர்களை சந்தித்து இருநாட்டு உறவு குறித்து ஆலோசனை செய்கிறார்.
இந்த நிலையில் இளையதளபதி விஜய் நடித்த 'தமிழன்' படத்தில் அறிமுகமாகி அதன் பின்னர் பாலிவுட், ஹாலிவுட் என பிரபலம் அடைந்த நடிகை பிரியங்கா சோப்ரா, பிரதமர் மோடியை இன்று காலை பெர்லின் நகரில் மரியாதை நிமித்தமாக சந்தித்தார். வெளிநாட்டு சுற்றுப்பயண பிசியிலும் தனக்காக நேரம் ஒதுக்கிய பிரதமர் மோடிக்கு நன்றி கூறிய அவர், தற்செயலாக நடந்த இந்த சந்திப்பு தன்னை மிகவும் மகிழ்ச்சிப்படுத்தியதாக தனது சமூக வலைத்தளத்தில் தெரிவித்துள்ளார்.
நடிகை பிரியங்கா சோப்ரா, சமீபத்தில் கேன்ஸ் திரைப்பட விழாவில் கலந்து கொண்ட பின்னர் அவர் நடித்துள்ள 'பே வாட்ச்' படத்தை புரமோஷன் செய்வதற்காக ஜெர்மனி தலைநகர் பெர்லினுக்கு சென்றுள்ளார் என்பது குறிப்பிடத்தக்கது.