லண்டனில் நடைபெற்ற திரைப்பட விழாவில் பிரியங்கா சோப்ரா மற்றும் சமந்தா கலந்து கொண்ட புகைப்படங்கள் இணையத்தில் வைரல் ஆகி வருகின்றன.

பிரபல பாலிவுட் நடிகை பிரியங்கா சோப்ரா நடித்த ’சிட்டாடல்’ என்ற ஹாலிவுட் வெப் தொடர் கடந்த சில மாதங்களுக்கு வெளியானது என்பதும், இந்த தொடரின் அடுத்த பாகத்திற்காக ரசிகர்கள் மிகவும் ஆர்வத்துடன் காத்திருக்கின்றனர் என்பதும் குறிப்பிடத்தக்கது.

இந்த நிலையில், ’சிட்டாடல்’ இந்திய பதிப்பில் சமந்தா மற்றும் வருண் தவான் நடித்து வருகின்றனர். இந்த தொடரை ராஜ் மற்றும் டி.கே இயக்கி வருகின்றனர். இந்த தொடரின் படப்பிடிப்பு முடிவடைந்து, விரைவில் வெளியீட்டுக்கு தயாராகி வருகிறது.

இந்த நிலையில் ’சிட்டாடல்’ புரமோஷன் நிகழ்ச்சி லண்டனில் நடந்த நிலையில் அதில் பிரியங்கா சோப்ரா, சமந்தா உள்ளிட்ட பலர் கலந்து கொண்டனர். இவர்கள் இருவரும் ஒருவரை ஒருவர் சந்தித்து நலம் விசாரித்துக் கொண்டனர். இருவரும் சேர்ந்து எடுத்துக்கொண்ட புகைப்படங்கள் தற்போது இணையத்தில் வைரல் ஆகி வருகின்றன.

பிரியங்கா சோப்ரா நடித்த ’சிட்டாடல்’ போலவே, சமந்தா நடித்த ’சிட்டாடல்’ இந்திய ரசிகர்களிடம் மிகப்பெரிய வரவேற்பை பெறும் என்று எதிர்பார்க்கப்படுகிறது.